SUPERBALITA CEBU

Lonzon: 'Check-inanan' sa mga pulis

Mata sa agila

Paita, wa gyuy ebidensya nga nakuha ang Commission on Human Rights (CHR) pag-adto sa Sawang Calero Police Station.

Ang target sa CHR mao ang kuwarto nga giingong anha i sex sa mga pulis kon dunay babaye nga madakpan.

Sama sa nahitabo sa gipasanginlan sa drug suspek nga taga lungsod sa Minglanilla nga gidakop sa kapulisan.

Ang guwapa nga dinakpan, minyo, mireklamo nga giabusohan sud sa usa ka motel ug gipriso sa luyo sa police station nga wa gi-blotter.

Ang team leader nga si Master Sgt. Celso Colita sa Drug Enforcement Unit giakusahan sa babaye og rape sud sa usa ka motel.

Karon, ang 11 ka mga pulis gitangtang na sa ilang katungdanan human girelibuhan kay gipasakaan og kaso sa Integrity Monitoring and Enforcement Group (IMEG) tungod sa mga alegasyon sa babaye ug sa lain pang duha.

Pag-adto sa CHR kagahapon (Martes) sa Sawang Calero Police Station, wa na ang kwarto nga gituohang giguba.

Didto ang CHR kay dunay mireklamo nga laing pinirisong babaye nga wa gi blotter ug gipriso sila sa kuwarto.

Wa pa mosulti ang mga babaye kon gihilabtan ba sila sa mga pulis. Di tingali mga guwapa ug mamords ang mga babaye?

33 COVID CASES



Kalit kaayo ang pag-ubos sa kaso sa Covid-19 sa Cebu City, nga dunay 33 ka kaso lang niadtong Lunes.

Mas maayo ubos na karon apan expected sab nga dunay pagsaka kon magmagahig ulo ang mga tawo, di motuman sa standard health protocol.

Si Cebu City Mayor Edgar Labella nagbalikbalik na sa pagpahibawo sa paggamit og mask, face shield ug social distancing.

Sa Carbon Market, mibalik nasab og tapok ang mga tawo. Gipalabay lang ang Holy Week. Karon nabantayan nga way physical distancing.

Kon mahimo lang atong suportahan ang kampanya sa Cebu City Government sa kampanya batok sa Covid .

Email: efrenlonzon71@gmail.com Text:09235562777

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph