SUPERBALITA CEBU

Kadaugan sa Mactan decals gipanggisi; Chan mimando og imbestigasyon

IPAIMBESTIGAR ni Lapu-Lapu City Mayor Junard “Ahong” Chan ang paggisi sa usa sa mga decal nga gipangtaud sa Siyudad sa mga haligi sa Marcelo Fernan Bridge habig sa Lapu-Lapu City alang sa ika 500 nga kasumaran sa Kadaugan sa Mactan.

Nasuko si Chan human niya makita sa Miyerkules sa buntag, Abril 7, 2021, ang nagisi nga decals sa usa sa mga haligi nga gibutangan niini.

Gituohan nga sa Martes sa gabii gihimo ang paggisi.

Ang decals nagpakita sa mga desinyo nga naghulagway sa Kristiyanismo ug Kadaugan sa Mactan.

“Naguol ako sa naabot nga problema karon lang buntaga kay adunay tawo nga nagyama-yama sa atong decals nga gi-install sa mga haligi sa Marcelo Fernan bridge. Bag-o lang gani nato gipahigayon ang lighting niini pag miaging Domingo ug pila lang ka adlaw ang milabay, yano rang gibugal-bugalan ang gihagoan sa atong mga gipangtahasan nga mo-install niini,”matod sa mayor.

“Dili ako kadawat nga adunay mga indibidwal nga walay kaikog ang nakabuhat niini.

Kon kinsa man gani ang makahatag og impormasyon nga magtudlo sa nagbuhat niini, palihug sa pagpaabot sa atong opisina,” dugang sa mayor sa iyang social media post.

Iya nang gipasubay ang mga kuha sa closed circuit television (CCTV) aron pag-ila sa mga responsible.

Nibahad si Chan nga iyang pasilutan kinsa man ang naghimo niini.

Ang pagtaud sa decals usa sa mga proyekto sa Lapu-Lapu City Tourism Cultural & Historical Affairs Commission nga gipangulohan sa chairman, Cindi King-Chan, asawa sa mayor.

“Akong siguraduhon nga mahatagan gayud og angay nga silot ning maong mga indibidwal,” matod sa mayor. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph