SUPERBALITA DAVAO

Hog raisers nagmaya

Hulagway iya ni Orlando B. Dinoy

GIKALIPAY sa mga hog raisers sa Magsaysay, Davao del Sur nga nakadawat na sila sa "indemnification payment" gikan sa Department of Agriculture (DA) human gipamatay ang ilang mga baboy dihang natakbuyan sa African Swine Fever (ASF).

Usa ang hog raiser nga si Leonora Omboy Tabay nga taga Barangay Kasuga nga nakadawat og kantidad P50,000 bugti sa 10 ka mga binuhing baboy nga apil na-depopulate dihang nataptan sa ASF.

Giangkon ni Tabay nga sakit alang kaniya dihang nawad-an siya og panginabuhian sanglit wa siya magdahom nga pugsanong ipalubong gyud ang iyang mga binuhing baboy niadtong higayona.

"Inutang intawon namo ang gipalit og pagkaon sa among mga baboy pero mao man ang balaod sa nasyonal nga gobyerno. Karon magpasalamat ko kay nadawat na gyud namo ang maong ayuda," tataw niini.

Kahinumdomang adunay pito ka mga barangay sa lungsod ang apektado sa ASF dihang nakasud kini sa ilang lugar niadtong 2020.

Una nang natunol sa DA ang indemnification payment sa mga biktima sa ASF didto sa mga lungsod sa Matanao ug Bansalan, sayo ning semanaha.

Gibutyag ni Mayor Arthur Davin nga kantidad P5,000 ang matag usa ka baboy nga naapil og pamatay.

Migahin ang DA og mobalor P10-milyones alang sa maong programa aron matabangan ang mga hog raisers nga makabangon gikan nawad-an sa ilang panginabuhian.

Mokabat sab sa 574 ka benepisyaryo ang gitakdang hatagan sa og indeminification payment sa DA human na-depopulate ang 3,206 ka mga baboy sa lungsod. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph