SUPERBALITA CEBU

Balak: Kon imo ra man diayng buhian ang akong mga kamot

ANA RUTCHELL D. SANDOT

Paculob, Dumanjug, Cebu


Langga, kon imo ra man diayng

buhian ang akong mga kamot

mas maayo pag wala nako ni

gitunol nimo sa unang higayon

nga nagkinahanglan ka niini.

Mas maayo pag wala na lang

ka manuktok sa pultahan ning

akong kasingkasing

kay misulod ra man diay ka

sa makadiyot ug dayon migawas

sa walay pupananghid.

Mas maayo pang wala na lang ko

magpasinguwan sa imong mga saad

kay imo ra diay kong gipasilong

sa imong bakak nga mga pulong.

Paglakaw nga malinawon inigbiya

mo niining akong kiliran,

ug ayaw paglingi-lingi kay tingalig

kuptan ko pag-usab ang imong

mga kamot ug dawaton ka pagbalik

niining akong dughan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph