SUPERBALITA CEBU

Wa undangi hangtod nakuha ang nota – 2nd Fret

2nd Fret band / Tampo

Tungod kay nalisdan sa pag-achieve sa musical note nga F# nahukman sa grupo sa mga musician nga maoy ipangalan sa ilang banda.

Niadtong 2013 naporma ang 2nd Fret band nga gilangkuban sa mga miyembro nga gikan sa nagkadaiyang lungod sa norte nga bahin sa Lalawigan sa Sugbo.

Base sa ilang kasaysayan nga nakahuna-huna sila og gamit sa ngalan nga 2nd Fret tungod kay sa higayon nga sila magpraktis sa usa ka awit kanunay silang mayabo sa F# nga musical note.

Nahukman nga maoy ipangalan sa banda aron nga mapatik sa ilang alimpatakan ang nota ug wa nay rason nga mayabag sila sa melodiya.

Ang maong banda gilangkuban nila ni Tito Neno–male vocals, Janimae Montes–female vocals, Jam Clyde Montecillo–bassist ug Kierk Forzado–guitarist.

Ang 2nd Fret usa ka variety full band nga sagad motukar sa genre classic ug retros.

Matod pa ni Janimae nga taliwala sa mga kalisdanan nga ilang na-agian pabilin silang lig-on ug nagkahi-usa tungod sa ilang gisawhan nga passion sa musika.

Dako ang utang kabubut-on sa maong banda ngadto sa Northwave production diin sila mas nabaid ug naghatag og kadasig dili lang sa ilang pundok apan ngadto na sab sa ubang kompositor ug musikero sa Lalawigan sa Sugbo. (FVQ)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph