SUPERBALITA CEBU

Radaza mihatag og kits sa 120 ka Tesda trainees

Sobra sa 100 ka mga benepisyaro sa Special Training for Employment Program (Step) sa Technical Education Skills Development Authority (Tesda) nga taga Dakbayan sa Lapu-Lapu nakapahimulos sa libreng starter kits kun mga kahimanan nga gihatag ngadto kanila ni Kongresista Paz Radaza niadtong Abril 6.

Ang programa sa Tesda gipundohan sa kongresista isip pagpadayon sa mga training program sa Tesda sa panahon ni kanhi kongresista Aileen Radaza.

Una nang mihatag og P1 million nga pundo ang kongresista niadtong 2020 alang sa gastohan sa trainings, allowance ug tool kits samtang karong tuiga, gisaka ngadto sa P2 Million.

Ang scholars ningkuha og tag duha ka kurso, 20 nila na-enrol sa Shielded Metal Arc Welding (SMAW NC I) samtang ang laing 100 ka scholars alang sa Cookery NCII.

Ang nadawat nga mga kahaimanan sa 120 ka scholars mao ang frying pan, mixing bowl, chef’s knife, measuring cups, chopping board, wooden spoon, saucepan, stock pot, inverter type portable welding machine, welding mask ug portable angle Grinder. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph