SUPERBALITA CEBU

Nalzaro: Kapitalista ug mamumuo apektado

Saksi

Niadtong Oktubre sa miaging tuig, misanag na unta ang dagway sa atong mga ekonomiya sa dihang hinayhinay nga mibarog na unta ang mga patigayon. Apan matod pa sa mga taga Department of Labor, ang minimal nga gidaghanon sa nakabalik pagtrabaho gamay ra kaayo kon itandi sa nawagtangan.

Sumala ni Christian Magsoy, spokesperson sa Defend Jobs Philippines, nga ang gamay’ng pag-arang-arang sa kahimtang sa pamuo sa Pilipinas niadtong higayona nga usa ka “ilusyon” karon nga nisira na sab og balik ang pipila ka mga patigayon sa National Capital Region (NCR) human gipaubos sa enhanced community quarantine (ECQ). Kini maoy usa ka pagmatuod nga kinahanglang dawaton ug atubangon na sa gobiyerno ang usa ka masakit nga kamatuoran.

Sayo pa kaayo ang pagpangangkon og kadaugan batok sa Covid-19. Kinahanglan usab nga paminawon ug tinud-on na sa kagamhanan ang pagpaminaw sa daghang mga mamumuo nga gihabas sa pandemiya. Ang dugay na kaayong pag-antos sa mga mamumuo sa malupigong mga balaod nga atoa makapusta sa mga kapitalista nga karon gipasamutan sa pag- abot sa pandemiya.

Karon, di lang ang mga trabahante ang gaantos, kon dili hangtod na sad ang mga kapitalista. Pero samtang nahi-agom tuod sa kabangis sa pandemiya ang mga negusyante, ang ilang pagkaalkanse dili matandi sa kapait sa gidangatan sa mga mamumuo gumikan sa Covid-19. Mao nga ning panahona, maoy atong makita ang usa ka talan-awon sa mga negosyante nga nagtinga apan nagpadayon pagpahimulos sa mga trabahante.

Kon si Karl Mar, usa ka komunista ug maoy mi-introduced sa concept of socialism sa Russia (1818-1883), pay pasultihon, kining mga kapitalista nahisama ni Dracula. Kay nabuhi sila sa pagsopsop sa dugo sa mga mamumuo ug misamot ang ilang pagkabuhi kon mas daghan ang dugo nga ilang masopsop. Apan ning higayona sa Covid-19, nangluspad na ug hapit na kahubsi sa dugo ang makalulooy’ng mamumuo, apan wa pa gyud hunungi sa pagtilok ang ilang dugo sa mga higanteng institusyon sa atong nasud. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph