SUPERBALITA CEBU

7 ka pulitiko nalambigit sa illegal drugs: PDEA 7

GIRONDA: Ang Philippine Drug Enforcement Agency (PDEA) 7 mi-serve sa search warrant sa balay sa 66 anyos nga si Shalaw Sachez sa Miyerkules sa hapon, Anril 7, sa may Sentro Alaska, Barangay Mambaling,Cebu City nga matod pa sa mga operatiba gihimong drug den.Atol sa operasyon adunay naatlan nga manuyupay sa maong drug den. / AMPER CAMPAÑA

Nakaplagan sa mga ahensya sa kagamhanan nga ang usa sa pito ka mga pulitiko sa Central Visayas nga nalakip sa listahan nga nalambigit sa illegal nga drugas adunay ebedensya.

Gipahibawo sa direktor sa Philippine Drug Enforcement Agency (PDEA) 7, Levi Ortiz, nga ang ilang ahensya nakakitag ebidensya nga magtumbok nga nalambigit sa illegal nga kalihukan ang pulitiko.

Wa na motug-an si Ortiz kon taga asa ang pulitiko sanglit wa silay gahom nga mobutyag niini sa publiko.

Wala usab siya moklaro kon unsay posisyon nga gihuptan niini sa gobyerno, apan iyang gitug-an nga opisyal lang sa gobyerno.

Adunay pito nga gipaubos sa proseso sa adjudication board sa Central Visayas nga naglangkob sa PDEA-7, Philippine National Police, Department of the Interior and Local Government 7, National Intelligence Coordinating Agency ug Military Intelligence Group (MIG) 7.

Apan matod ni Ortiz nga ang maong politiko nga giingong nalambigit sa illegal nga drugas di na makit-an ug posibling nibiya na sa rehiyon 7.

“Actually kini sila tanan lisud na pangitaon. Dili na nato sila ma locate. Pero kining usa naa may ebedensya tanan mga agencies mao nang na retain gyud siya. Ang uban ahensya walay ebedensya, ang uban naa (sa unom) so atong gibutang sa for further validation,” pasabot ni Ortiz.

Tulo ang mahimong padulngan sa pagproseso sa adjudication: pag wagtang sa listahan sa gipasanginlan, ipabilin ug ang katapusan ipadayon ang validation. Giangkon usab ni Ortiz nga sa pito, upat kanila taga Sugbo, apan wala niya gitug-an kon naa ba sa siyudad o sa mga lungsod. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph