Delikado si World Boxing Organization (WBO) welterweight champion American Terence Crawford kon madayon ang pagpakig-away niini sa Filipino boxing icon Manny Pacquiao.
Mao kini ang pangagpas sa kababayan ni Crawford nga si kanhi two-division world champion Timothy Bradley.
Sa kasamtangan, padayon pa ang negusasyon alang sa panagharong nila ni Pacquiao ug Crawford nga giplanuhang ipahigayon karong Hunyo 5, 2021 sa Abu Dhabi.
Undanon ang pangagpas ni Bradley gumikan kay gikaharong na niya si Pacquiao sulod sa tulo ka mga higayon unya nahimo sab siyang sparring partner ni Crawford.
“I’ve been in the ring over 36 rounds with that guy (Pacquiao) and I’ve been over a hundred rounds with Terence Crawford. This was early in Terence’s career. I understand he’s got a lot better from where he was when I did spar him but those tendencies are still the same,” matod ni Bradley sa interbyu sa ESPN.
Bisan nag-edad na og 42 si Pacquiao apan gitataw ni Bradley nga aduna lang gihapon kini saktong abilidad.
“Manny Pacquiao loves when guys pull back and that’s a problem. We also know that Terence Crawford gets hit early and he gets hit often early. Manny Pacquiao is a quick starter as well and he still has that blazing left hand that possesses a massive amount of punching power,” dugang ni Bradley.
Si Crawford batan-on og siyam ka mga tuig kumpara kang Pacquiao apan matod ni Bradley nga dili siya mahibulong kon ma-knockout kini sa bugtong 8-division world champion sa kalibutan.
“This is a dangerous fight. I would slightly favor Terence Crawford, but at any point during the fight if you see Crawford touch the canvas or you see Pacquiao touch the canvas this is a real big deal fight for Crawford.” (ESL)