SUPERBALITA CEBU

Talk to Papa Joe: Abusado nga amahan

Dear Papa Joe,

Tagoa lang ko sa ngan nga Brenda, 25,taga habagatang Sugbo. Kining akong suliran kabahin kini sa akong amahan nga abusado. To make the story short, sa kaniadto sila pa sa akong inahan bisyuso akong amahan. Hapit tanan nga bisyo naa, gawas sa panugal.

Maayo siya og trabaho, regular sa pang gobiyerno pero na Awol kay nikuyog sa iyang kabit nga himarat ug walay hinungdan. Gibaylo ra ang akong inahan sa walay grado ug himarat nga babaye. Nagka anak sila sa iyang kabit. Karon gabuwag na pod akong amahan ug ang iyang kabit. Karon naa na pod laing anak akong amahan sa ikaduhang kabit. Labaw pa sad maayo og record ning bayhana, byuda naay mga anak, unya labaw pang himarat.

Kay lagi ang akong mahan gikalag ug giango-ango og babaye, iya na pod gipuyo. Karon unsa ka baga og nawong ning akong amahan, nitipon sa akong mga apohan nga labaw pa sad nga walay pangita. Unya kay lagi hadlok sila sa akong amahan kay sige lang og pangisog, nahug nga konsintedor akong mga apohan.

Ako pangutana, Papa Joe, may purohan pa ba nga mausab ning akong abusado nga amahan? Sige og pamabdos, wa ra bay trabaho. Kay iyang rason magpabuhi ra siya sa among mga apohan. Unsa gyud ka baga ha. Unsay angay kong buhaton aron mausab na ang among amahan?

BRENDA

Brenda,

Moabot ra gyud ang panahon nga maningil na niya ang iyang binuhatan. Di man sad siguro karon kay lagsik pa. Pero di magkabata ang tawo. Bayran gyud na niya ug kana mahug nga leksyon nimo sa umaabot nga di gyud pataka pangita og lalake nga wa nimo mailhi gyud.

Basin sa sinugdanan wa gyud na siyay gugma sa inyong inahan. Iampo lang nga mamilagrohan nga mausab og sayo.

PAPA JOE

(sa inyong tampo ipadala lang sa papajoesuperb@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph