SUPERBALITA CEBU

Nalzaro: ‘Bisdak variant’ lagi

Saksi

Miangal ang health officials sa Region 7 ug pipila ka local officials sa bag-ong nadiskobre karon nga Covid-19 (P.3 variant) nga gihinganlan sa Philippine Genome Center og “Central Visayas variant” gumikan kay dinhi madiskobre. Nganong “Central Visayas variant” man daw ang gihingalan niini? Nganong dili man “Philippine variant” sama sa nadiskobre sa ubang nasud sama sa United Kingdom (UK) variant, Brazil variant ug South African variant.

Dinhi kini madiskobre human adunay nagpositibo gikan sa ubang mga lugar ug sa pag-eksamin sa PGC, nasuta nga bag-o kining variant. Karon ilang gihinganlan og “Central Visayas variant.” Dili kini maki-angayon nga hinganlan og “Central Visayas variant” kay makahatag og dili maayong imahin sa taga Central Visayas. Mahadlok ang mga tawo nga mobisita dinhi. Nganong dili man daw dad-on ang ngalan sa Pilipinas kay dinhi man madiskobre?

Sila si Presidential Assistant for the Visayas Micheal Dino ug Gov. Gwen Garcia dakong supak niini. Mipasalig si Dino nga mosuwat siya kang Presidente Duterte aron manduan ang taga PGC nga ipa-usab ang ngalan niini. Aw, dili mo sa Central Visayas variant, ato na lang lagi kining tawgon nga (Bisayang Dako) Bisdak variant. Maglalis pa mo. Dugay na kong misugyot niini nga hinganlan og “Bisdak variant.”

REINFORCEMENT



Mipadala og team sa medical frontliners ang Sugbo ngadto sa National Capital Region (NCR) aron mo-augment o mo-reinforce sa mga medical personnel sa kauluhan gumikan kay adunay shortage sa mga medical personnel ang NCR. Kini gumikan sa grabeng pagsaka sa mga Covid-19 cases nga dili na makaya sa mga medical personnel. Nangasakit pa ang uban.

Tiaw ba nimo kanang nagsugwak na ang Covid patients sa mga hospital. Ang uban gani dili na ma-admit sa mga hospital. Ang uban diha na lang sa tents nga ilang gibutang sa premises sa mga hospital. Ang uban diha sa ilang mga sakyanan gitambalan. Gisaaran ang mga medical personnel og additional incentives matag buwan inig balik nila dinhi human sa tulo ka buwan. Si Dino misaad. Si Gwen ug Mayor Edgardo Labella misaad usab. Aw, maayo. Hinaot nga ilang tumanon ang saad kay kinabuhi usab ang gisugal.(bobbygnalzaro@gmail.com)

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph