SUPERBALITA CEBU

Editoryal: Pagpakauwaw

Editorial Cartoon John Gilbert Manantan

Ang Philippine Genome Center (PGC) nitumbok og mga variant sa Sars-CoV-2, kagaw nga nagdala sa coronavirus disease (Covid-19) dinhi sa nasod. Ilang giila ni nga South African, British, Brazilian ug Central Visayas variant. Sa tanang mga lugar sa nasod, ang Central Visayas lang ang dunay variant?

Ang PGC dunay natumbok nga mga variant sa kagaw sa Covid nga dinhi lang sa Pilipinas nitumaw base sa ilang genome sequencing, kanang paagi sa pag-ila sa mutation sa kagaw. Sila mismo ang nipahibawo niini sa Department of Health (DOH).

Busa kahibulongan kon nganong sa mga variant nga dinhi lang sa Pilipinas mitumaw, ang Central Visayas lang ang gitumbok. Kuwang na lang gamay nga ingnong Cebu variant.

Si Gobernador Gwendolyn Garcia nakapangutana kon ang Central Visayas di ba sakop sa Pilipinas kay ang ubang variant sa abroad man gikan ug gikuha ang ngan. Bisan ang DOH 7 ug si Secretary Michael Dino wa makauyon sa paghingan sa kagaw nga CV variant kay daghan mang variant nga nitumaw sa ubang mga dapit sa Pilipinas.

Di kini unang higayon nga dunay mga opisyal sa kagamhanan nga ingon sa gustong moduot sa Central Visayas, partikular na sa Sugbo ug Cebu City. Sa miagi pa lang buwan, dihang nisulbong og kalit ang mga kaso sa Covid-19 dinhi, gusto na nila nga ipailawom ang CV sa enhanced community quarantine (ECQ) nga unta layo ra man gani ang gidaghanon sa mga kaso sa Covid sa National Capital Region (NCR).

Maayo gani kay niadtong higayuna, napanalipdan sa DOH 7 ang status dinhi base sa kaandam sa lokal nga mga kagamhanan ug mga tambalanan.

Mahimo ra baya nga numero lang ang ingan sa variant dinhi sa nasod. Kon ang samang strain naa sa Luzon, Visayas ug Mindanao, seguro diay silang gikan ni sa CV? Duna ba kaha ni silay kalagot sa mga Bisaya?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph