SUPERBALITA CEBU

Serna: Rey Valera nibalhin og laing TV network

Kyaw-Kyaw

Mao diay tingaling wa na maghurado si Rey Valera sa “Tawag ng Tanghalan” sa “It’s Showtime” kay tua na diay siya sa TV5 “Sing Galing.”

Kauban niya sila si K Brosas, Jessa Zaragosa, Ronnie Liang, Donita Nose Dizon, Zendee Rose Tenerefe, Billy King Basilisco, Larry Mark Badayos ug Yukii Takahasi.

Di siya parehas sa naandang bangga sa kanta kay padaghanay ni siyag kanta nga nahibaw-ang kanta ug kon unsaon ang pagdiskarte labina kon lalaki ang mokanta ug kanta sa babaye ang natumong niya.

Makita ang Sing Galing sa alas 6:30 pm sa adlawng Lunes hangtod Biyernes.

* * *

Nagkauban sila si Maja Salvador, Empoy Marquez, Arron Villafor ug Noel Comia Jr. sa bag-ong teleserye sa TV5 nga “Niña-Niño” kada alas 7:30 pm sa Lunes hangtod Biyernes. Kini ubos sa direksyon ni Thop Nazareno.

Bugoy ang papel ang gidala ni Maja.

Duna kuno siyay proyekto sa una diin Krista man tingali to ang iyang ngalan nga medyo puparehas ang papel pero lahi ang atake.

* * *

Bahin aning duha ka programa sa TV5 ang gihimong Zoom meeting sa pipila ka mga sakop sa E-Group (dako pa intawng buhi ang grupo uy!) niadtong Martes sa hapon.

Ang niapil mao sila si Sanden Anadia, Vanessa Balbuena, Niza Mariñas, Jaypee Lao, Sinjin Pineda, Robie Ruaya ug DJ Boyski.

Si higalang Adrian Diongzon ang nag-organize.

Human sa taas nga panahon nga wa magkakita, nagka-”reunion” intawon ang dugay na kaayong managhigala.

Hinaut nga padulong na ni sa tinuod na gyud nga panag-uban sa usa ka kalihukan ug di kay sa internet ra.

Kini gyud si Tita Covid ang hinungdan ning tanan.

Kanus-a pa gyud kaha ni siya molayas uy? Gipul-an na ko ani niya ug sa iyang mga drama.

* * *

Kumusta ang inyong pagsaulog sa Semana Santa?

Mabungahon ug makahuloganon ba? Kini bisan pa nga kita ania niining gitawag nga new normal.

Samtang ang mga ka-edad nako nagreklamo kay na-bored na kuno sila sa sigeng puyo sa balay ug way laing lingaw.

Ako, salamat sa Diyos nagkapuliki tungod sa pag-apil nako sa Immaculate Conception Oslob Parish Grand Choir nga haros ang upat ka adlaw nga niserbisyo sa mga kalihukan sa simbahan.

Kaduha pa gyud mi niserbisyo sa pagka Dominggo: Sugat sulod sa simbahan ug sa launching ug unveiling sa 500 Years of Christianity Jubillee Cross.

Salamat ni Johnro Guaren nga maoy nagtudlo namo sa mga kanta, nila ni Fr. Jonald Murillo Concha, Fr. Mac Jason Nacorda Bacalla ug Fr. Jeffmonray Romarate tungod sa suporta.

Way kalaay nga nabati tungod kay gihalad namo sa Labawng Makagagahum ang tanan. Praise the Lord!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph