Usa ka lalake kinsa naglangoylangoy atol sa iyang bakasyon ang nalatiguhan sa usa kugita didto sa kasadpang bahin sa Australia.
Ang panghitabo nakuhaan mismo og video online nga nag-viral na karon atol ning pagsuwat.
Si Lance Karlson, usa ka geologist ug awtor, padung na unta motampisaw sa tubig duol sa resort diin iyang pamilya namakasyon sa Geographe Bay sa nasud sa dihang nakakita siya og murag ikog sa pagi.
Sa iyang pagduol niini, iyang nabantayan nga kini usa ka kugita maong nagvideo siya. Makita nga ang maong hayop kalit nga niini sa iyang mga gaway padung kanila.
“The octopus lashed out at us, which was a real shock,” ni Karlson ngadto sa Reuters.
Dugang niya nga human siya mag-apply og sunscreen alang sa iyang pamilya. Nagsul-ob siya og goggles ug nisawom sa tubig aron siya makakita og crab shells.
Apan sa iyang paglangoy, nakabantay siya nga nay niikos sa iyang bukton ug mas kusog nga ikos sa iyang liog ug bukobuko.
“My goggles became fogged, the water was suddenly murky and I remember being shocked and confused,” matod niya.
Dali siyang mihaw-as padung sa baybayon diin iyang nakita ang mga lakra sa mga ikos sa iyang lawas.
Wa siyay suka nga maoy sagad first aid sa ikos sa mga sea animal maong gibubuan niya og softdrinks ang mga apektadong dapit aron maminusan ang sakit. Nakaangkon og daghang shares ang video ni
Karlson nga “The angriest octopus in Geographe Bay!”
“This was clearly the octopus’s domain. I am worried that people will view octopuses in a different light. They are amazing creatures that clearly have some strong emotions (just like us)!” saysay niya. /