NIKULIT og kasaysayan kining usa ka batang lalake sa Iraq human kini matawo nga may tulo ka kinatawo.
“To the best of our knowledge, this is the first reported case with three penises or triphallia,” suwat ni Dr. Shakir Saleem Jabali sa usa ka pagtuon nga napatik sa International Journal of Surgery Case Reports.
Ang batang lalake nga usa ka Kurd gikan sa Duhok, gidala sa iyang mga ginikanan sa dihang 3 ka buwan pa kini nunot sa paghubag sa iyang itlog.
Apan sa iyang pag-abot sa tambalanan, nakabantay ang mga doktor nga may laing duha siya nga kinatawo—usa niini adunay 2 centimetros (.8 ka pulgada) nga nitubo duol sa nag-unang (primary)
kinatawo ug lain 1 centimetro nga nitubo ilawom sa itlog (scrotum).
Dakong misteryo ang nahitabo sa bata sanglit wa man kini ma-expose sa drugas samtang gimabdos ug wa say kaliwat ang maong bata nga nahitabuan sama niini.
Tungod kay way urethra ang duha ka kinatawo, nakadesider ang mga doktor nga operahan kini aron matangtang.
Malampuson ra ang operasyon ug way nahitabong problema human sa follow- up appointment sa samang tuig, base sa report sa kaso.
Di sama sa ubang pasyente nga mahimong maka-ejaculate ug makaihi, bali ang kaso sa maong lalake.
Gani, usa ka wa nagpaila nga lalake ang nag-viral niadtong 2015 human kini manghambog sa iyang duha ka tag 10- pulgada ug naglihok nga kinatawo.