Halangdon nga propesyon nga giiskuylahan og katuigan. Mangabogar mabiktima man o akusado. Piti-piti sa panagsingki sa ulisi sa katarungan. Subo nga dunay hulga sa mga abogado. Integrated Bar of the Philippines (IBP) mikondenar ug nanawagan sa mga awtoridad nga resolbahon aron makab-ot ang hustisya. Suway nga pagpatay ni Atty. James Gupana sa Okt. 10, 2020 sa Lapu-Lapu. Naangol si
Atty. Inocencio dela Serna sa Sept. 2, 2019 sa dihang gibanhigan gikan sa Qimonda diin anggulo ang multi-billion high profile nga kasong gihuptan. Nob. 16, 2020 gipatay si Atty. Eric Jay Magcamit sa Palawan. Nob. 23, 2020 gipatay si Atty. Joey Luis Wee sa Kasambagan diin nasikop ang kanhi military, Fausto Peralta. Giingong utok si ret. Col. Edwin Layese nga maoy gitumbok sa pagbanhig ni Atty. Gupana. Dis. 17, 2020 gipatay si Atty. Baby Ma. Concepcion Landero Ole sa Danao. Gipatay sab si Ronda Vice Mayor Atty. Jonah John Ungab sa 2018 gikan sa husay sa kaso sa drug lord, Kerwin Espinosa. Peb. 18, 2014 gibanhigan patay sa Coro, Dalaguete si Atty. Noel Archival. Patay sab iyang drayber Alejandro Jaime, Candido Miñoza ug naangol si Paolo Cortes.
Gitumbok sila si Romualdo Iglesia, Joselito Lerion ug Alex Bacani sa Highway Patrol Group apan ang Ombudsman milimpyo kanila sa kaso. Si Archival naghupot sa kaso sa Alpha Phi Omega sa kamatayon sa tinun-an sa UV nga si Frederick Cahiyang gumikan sa hazing, nalambigit sa Ozamis Robbery gang ug ubang high profile nga kaso. Agusto 13, 2015 gipatay si Atty. Emelie Alegre sa Mandaue naangol si Atty. Breccio Boholst ug Anthony Pino.
Laing inilang mga abogado nga gipatay sila Antonio Abad Tormis, Vicente Villordon, Boy Creer, Alfonso Surigao, Arbet Santa Ana-Yongco, Richard Sison, ug uban pa.Moabot nag 62 ka mga abogado ang gipatay ubos sa kasamtangang administrasyon. Unta nanginabuhi subay sa nakab-ot nga propesyon dili kay kutloon ang kinabuhi. (csa_1156@yahoo.com / 09064648954)