CONSTRUCTION site sa Sityo Apas Central sa Barangay Apas, Siyudad sa Sugbo nga gihimong suyopanan gironda sa mga sakop sa Philippine Drug Enforcement Agency 7 (PDEA) 7, inabagan sa mga sakop sa 32nd Military Intelligence Company sa Philippine Army alas 7 Sabado sa buntag, Abril 10, 2021.
Nasikop ang 13 ka mga manuyopay nga construction workers.
Ang mga nadakpan giila nga silang Angel Candillada,, 44, giingong drug den maintainer samtang ang mga drug den visitor mao silang Jasper Mabitado, 24; Jaysson Candillada, 21; Clint Mark Alferes, 32; Jaime Zaspa, 41; Gregorio Donganciso, 27; Rogelio Baculi, 27; Pedro Respecio, 34; Ronel Sereneo, 33; Jester Lozada, 32; Arnel Hermosa, 38; Joeferson Denuyo, 27 ug Abraham Estrella, 48.
Nakuha sa mga operatiba ang 163 ka putos sa gituohang shabu nga motimbang og 10 gramos nga mobalor og P68,000.
Lakip sa nakuha ang buy-bust money, usa ka motorsiklo,upat ka cellular phones, lakip na ang mga gamit sa pagsuyop sa illegal nga drugas.
Ang dapit gitukoran og usa ka edipisyo sa kagamhanan, kansang contractor pribado. (AYB)