Tungod sa sunod-sunod nga mga disgrasya sa Tran-scentral Highway (TCH) ang Cebu City Traffic Police Unit, uban sa Cebu City Transportation Office (CCTO) nilusad og kinalit nga checkpoint sa Ayala Heights, Barangay Malobog, Siyudad sa Sugbo.
Daghang motorista gi-pang-isyuhan og citation ticket ug temporary operators permit (TOP) tungod sa mga kalapasan sa trapiko.
Samtang kapin usab sa 100 ka mga motorista nga way kompletong papeles sa ilang motorsiklo gipangdakop ug 13 niini gipa impound sa Higway Patrol Group 7 (HPG) 7 uban sa Carcar City police Station ug Provincial Mobile Group sa Barangay Gua-dalupe, Siyudad sa Carcar.
MAGPAKUSOG DAKPON
Matod ni Police Lieutenant Colonel Wilbert Parilla, deputy city director for operations sa Cebu City Police Office (CCPO), nga ilang gipatutukan ang TCH tu ngod kay nagkadaghan ang mga dis grasya sa mga motorsiklo tu ngod sa pagpakusog sa pagpadagan.
“Usa sa atong gihimo nato diha, kanang prevention nato diha nga daghan ang mag reckless driving. Kanang namitik diha wala tay mahimo ana nila. Pero ato lang sila bad-longon.
Pero kanang magpa-kusog padagan diha, dakpon gyud na,” matod ni Parilla.
Ang CCTO naka impound og 18 ka mga motorsiklo samtang nakaisyu sila og 15 ka traffic citation ticket sa nagkadaiyang mga kalapasan sa balaud sa trapiko.
Sa siyudad sa Carcar, ang HPG naka issue og 43 ka TOP’s sa mga motorista, 45 ka traffic citation tickets ug 13 ka motor gi-impound human masuta nga ang driver way lisensya sa pag maneho ug ang sakyanan way mga papeles.
Matod ni Police Major Michael Gingoyon sa HPG 7 nga ilang gi-hingusgan ang kampanya alang sa luwas nga pagmaneho sa mga motorsiklo nga moagi sa nag-unang kadalanan sa rehi-yon 7 tungod sa nagkataas nga mga disgrasya sa kadalanan.
TCH
Sa samang higayon, si Gingoy-on niingon nga ang presensya sa mga pulis sa TCH dako og matabang sa pagpaminos sa mga aksidente sanglit mopahinay usab sa pagpadagan ang mga motorista ug motuman usab sa traffic rules ang mga driver.
“Once man gud kon naa ang PNP, motuman gyud na ang mga driver. Siyempre, kon wala kay papelis kay unregistered im-ong motor, kon dili wala kay hel-met, mga proactive safety meas-ures bah. Kon kahibawo sila nga wala sila ana, dili na gyud sila(drivers) mobiyahe,” matod ni Gingoyon.
Matag Sabado daghan sa mga grupo sa mga rider manaka sa TCH aron manuroy ug magpahulagway.