SUPERBALITA CEBU

Nalzaro: Ilawog sa Tirong

Saksi

Adunay duha ka mga medical schools nga nagbase sa Cebu City ang gitugutan sa Commission on Higher Education (Ched) nga makapahigayon og limited face to face classes. Kini mao ang Cebu Institute of Medicine (CIM) ug University of Cebu (UC)./Ang ubang mga eskuwelahan nga gitugutan usab atoa sa kauluhan. Apan gikinahanglan nga masunod gyud ang guidelines aron maprotektahan ang mga tinunan.

Ang tumong niini, aron gyud mahasa o mabansay ang mga tinunan sa umaabot nila nga propisyon. Ug aron makatabang usab silasa mga gimbuhaton sa mga medical frontliner nga apil sa nakigkumbati karon batok sa pandemiya. Makaingon man ta ani nga morag ilawog man sa tirong kining maong mga tinunan total diha man sila paingon kay mao man ang kurso nga ilang gipili. Ambot kon mosugot ba sila ug ang ilang mga ginikanan.

Aniay usa ka maanindot nga garay nga nagkanayon; ‘In the black, there is some white. In the wrong, there is some right. In the dark, there is some light. In the blind, there is some sight.’ Unsa bay buot ipasabot niini?

Nagpasabot kini nga sa kinabuhi, there is no such thing as absolute. Ang tanan sa kinabuhi kombinasyun gyud sa kahayag ug kangitngit. Sa husto og sayop. Sa itum ug puti. Sa pagkamaalamon ug sa pagpakaboang.

Sa ato pa, sa bisan unsa nga isyo anaa siyay pagkahusto ug naa say pagkasayop. Sama niining tinguha nga ato nang pabalikon sa face to face nga klase ang mga tinunan sa kolihiyo nga mikuha og mga medical related courses.Kay kinahanglan silang mahitsas sa kahibawo ug kaalam unsaon sa pagbuntog ang krisis sa panglawas nga atong giatubang karon ug mao kana ang positibo nga punto niining maong tinguha.

Apan sa laing bahin, sa atong paghimo niini, ato usab silang gilawog sa kadaku sa risgo nga ilang atubangon ning maong pandemiya. Mao nga mangutana kita: Ang unsay ilang makuhang pagtulunan sa ilang klase makatugbang ba sa risgo nga ilang asdangon o atubangon?

Nagpaabot ba kita nga makaproduce og mga bagong medical professional? O mga bagong bayani nga kinahanglan una nga magpakamatay sa ilang pagtabang pagbuntog ning pandemiya? (bobbyg-nalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph