Maayo unta og dili ningas cogon kining kampanya sa kapulisan batok sa smalltown lottery kun STL diha sa Barangay Carreta. Nasayran man gud kini sila nga nagoperate nga wala mga permit gikan sa Philippine Charity Sweepstakes Office (PCSO).
Si Barangay Kapitan Marciano Ando mismo ang nisulat ngadto kang Mayor Edgar Labella kabahin sa maong kahimtang bisan pa man sa usa ka closure order ni Presidente Duterte sa miaging 2019.
Ang nakaparat pa gyud kay gipakapinan pa og istorya nga ang mga opisyal sa barangay nakadaat of payola gikan niining maong mga establisemento.
Tuod man, nimando dayon si Mayor Labella nga gukdon ug siradan dayon kining mga STL.
Nagkanayon si Labella nga gukdon niya ang STL sulod sa syudad sa Sugbo bisan og gawas na sa Carreta.
Ramon Ang
Naintriga ko sa usa ka artikulo sa Manila Standard kabahin sa business tycoon nga si Ramon Ang – ang tagiya karon sa San Miguel Corp. (SMC).
Kabahin ang maong artikulo as iyang mga dinagkong proyekto karon. Apan mas nadani ko sa iyang panagan nga ang sunod presidente as Pilipinas mao si Sen. Manny Pacquiao.
Pipila man gud sa akong mga kaila kay di kaayo motuo nga qualified isip ma presidente sa Pilipinas si Pacquiao. Igo lang silang mangatawa.Gibaliwala man gud ang kaalam ni Pacquaio kay lagi wala makatungtung og tunghaan.
Apan si Pacquaio ang tawo nga naggikan sa tumang kalisod ug karon, nahimo nang senador. Makita nato siya nga dunay values ug ang iyang kasingkasing naa sa mga kabus.
Di siya pareho anang ipaguwa ra sa usa ka peke nga video nga usa ka kabus tahay. O kining presidente nga mokaon kintahay sa usa ka carenderia sa Davao pero mogasto og dakong kantidad sa kwarta sa lungsod aron lang makauli.
Buot ipasabot, dili siya plastik.Mao kini ang akong nakitan diha sa panagna ni Ramon Ang. Imbes seryuson niya nga modagan, nagtuo ko nga si Pacquiao hinuon ang iyang suportahan.Tungod niini, makaingon ko nga nagkaaligre ang lumba alang sa pagka presidente karon 2022. (DM anol_cebu)