SUPERBALITA CEBU

Wanted patay sa pinusilay tali sa pulis, sundawo

Usa ang patay sa sa pinusilay atol sa pag-serve sa warrant of arrest sa usa ka wanted personsa Barangay Anislagan, Calu-bian, Leyte, alas 5:30 sa bun-tag, Huwebes, Abril 8, 2021.

Ang operasyon gilunsad sa hiniusang pwersa sa kapulisan, kasundalohan ug Philippine Drug Enforcement Agency (PDEA) 8.

Giila ang napatay nga si Nich-olas Ybañez, alyas Botoy, taga Ormoc City, usa ka high value target sa ilegal nga drugas.

Matod ni Police Major Ariel Salarda, team leader sa Leyte Provincial Drug Enforcement Unit (PDEU), sa dihang ilang i-serve unta ang warrant of arrest kang Marlon Mendoza gumikan sa kasong murder, misukol ang kauban niini nga si Botoy.

Lakip sa nakigpinusilay sa mga awtoridad sila si alyas Toto ug Charlie Mahinay, mga taga Barangay Anislagan.Sa pinusilay, napatay sa mga awtoridad si Botoy hinungdan nga nagdinaganay ug nisibat ang iyang mga kaubam.

Sa gihimo nga manhunt operation, nadak-pan si Mendoza sa bukirang ba-hin sa Calubian sa misunod nga adlaw, Biyernes, Abril 9, 2021.

Sa paghimo ning balita, pada-yun pa nga gipangita sa kapulisan ang laing duha nga nakaeskapo.

LIDER SA GUN FOR HIRE

Gitug-na ni Salarda sa Super-balita Cebu nga lider sa usa ka gun-for-hire group ang ilang na-patay, kinsa kanhi usab sakop sa New Peoples Army (NPA).

Lakip sa gisulti ni Salarda nga si Botoy nahimong high value target sa drugas gumikan kay usa kini ka hitman ni kanhi self-confessed Eastern Visayas drug lord Kerwin Espinosa.Gawas sa iyang pagka hitman sa Espinosa Drug Group, nalakip usab siya sa listahan sa mga private armed group ug nahimong hitman sa usa ka pulitiko. / JKDP


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph