Nindot kaayo huna- hunaon nga ang Dakbayan sa Mandaue dunay bike lanes. Unya estrikto kaayo si-lang nakapatuman sa ilang or-dinansa. Apan sa tinud-anay, ang Dakbayan sa Sugbo mas taas og bike lane loop kay mo-abot kini og 100 kilometers.
Gawas nga taas kini, daghan usab og mga karsadang bantayanan ang Cebu City Transportation Office (CCTO) kay sa Traffic Enforcement Agency of Mandaue (TEAM). Naabot gud intawon sila og Cantipla kagahapon ang mga sakop ni Maam Lyntoni Sable aron bantayan ang mga motorista sa Transcentral Highway (TCH). Niadtong Lunes, duha ka mga kinabuhi ang nanga-kalas sa may utlanan sa Cebu City ug Balamban. Nabang-gaan ang nagmotorsiklo sa usa ka SUV ug patay ang duha ka mga sakay.
Gibasol sa driver ang nipa-lyar nga brake. Apan daghan ang nakakita sa kusog kaayo niyang pagpadagan sa kurba-dahon ug lungsungon nga bahin sa TCH.
Naa may arko nga nagtimaan sa utlanan sa Barangay Tabunan ug Gaas. Kanang dapita taas og dulhugon kon gikan ka sa Balamban. Samtang nagtungas ang motorsiklo gikan sa Cebu City, nisulod sa ilang lane ang SUV nga gi-kan sa Balamban.
Way brake nga mokupot kon ang imong padagan kusog kaayo. Okay lang kon naa ka sa patag. Hinaut pang giimbestigar og maayo sa mga pulis ug sa Land Transportation Office (LTO) ang aksidente aron matino kon tinuod bang dunay deperensya ang brake sa SUV.
MAHADLOK
Kon kaniadto mahadlok kong molatas sa TCH samtang magbiseklita, mao gihapon ang akong bation karon matag anha ko sa mao nga karsada magsakay sa among scooter. Daghang mga sakyanan nga kusog kaayong makapadagan tadlas sa dan bisan kon daghang mga motorista, dulhugon ug kurbadahon nga bahin sa dan.
Gibasol pa ang mga photogra-pher nga manguhag hulagway bisan kon ang mga aksidente naa mahitabo sa karsada nga way manguhaay og hulagway. Kadto bitawng nahitabo niad-tong Lunes di man to pwesto sa photographers.
Ang tinud-anay nga hinungdan sa mga aksidente di ang photographers, kon di ang reckless drivers. Wa pa ang mga photographer diha, daghan nang mga aksidente nga nahitabo. Basulon ang photographers? Di angay.
BANTAYAN
Kon kaniadto wa kinahang-lana ang pagbantay sa TCH, karon angay na kining bantayan, labina sa side sa Balamban. Daghan na kaayong mga establisemento nga naa sa Barangay Gaas nga kaniadto mingaw kay mangahadlok sa mga rebeldeng New People’s Army (NPA).
Kon dunay nagbantay sa trapiko sa kinapusoran sa lungsod, angay nga hatagan og pagtagad sa traffic body sa Balamban ang TCH. Kay bisan pag pila ka karatula sa statis-tics sa mga aksidente ang ibu-tang sa dapit, sa reckless nga drivers wa kini epekto.
Apan pabantayig awtori-dad ang TCH, di ba maminu-san ang mga aksidente. Mao nay epektibong paagi. Maayo kaayo ang gibuhat pulis ug CCTO sa TCH kagahapon. Hi-naut pang himuon na kini nila nga regular aron maundang ang mga garaon sa dan.