SUPERBALITA CEBU

Patay sa 4-point play

Gipukan sa Washington Wizards ang Golden State Warriors pinaagi sa talagsaon nga performance nga gipakita ni Bradley Beal, 110-107 sa National Basket-ball Associations.

Sa nahabilin nga 6.1 segundos, si Beal nimugna og 6 puntos aron agakon ang Wizards para mahatagan pa kini og pag-laom nga makaduwa sa play-in sanglit kasamtangan kining nahimutang sa ika-13 dala ang 19-32 win-lose record sa Eastern Conference standing.

Sa iskor nga 104-107 pabor sa Warriors, niitsa gikan sa three point arc si Russell Westbrook apan nasungo ang ring ug ni-untol ang bola ug nakuha sa iyang kauban nga si Beal ang bola ug giitsa sa walang kilid sa arc ug napasulod niya ang bola.

Aduna pay foul hinung-dan nga natabla ang score 107 ug napasulod pa niya ang bonus free throw.

Gumikan sa maong kapildehan, ang Warriors nahimutang sa ika-10 nga pwesto sa Western Conference standing bitbit ang 24-28 win-loss record nga pasok pa sa play-in human sa 72 ka duwa sa eliminations.

Si Westbrook nikulit na usab og laing triple double, 19 points, 14 assists ug 14 re-bounds nga maoy ika-21 karon nga season ug ika 167 sa iyang career ug kuwang nalang og 14 ka triple double para iyang matupngan si Oscar Robertson nga adunay 181 nga maoy record sa NBA.

Niabag og 21 puntos si Robin Lopez , kinsa napilde og ka 12 sulod sa 16 ka sunodsunod nilang duwa.

Si Stephen Curry nipaarak og 32 puntos, five assists ug 6 rebounds para sa Warriors kinsa napilde usab og kalima gikan sa unom ka duwa.

Sa laing mga duwa, nidaog ang Indiana Pacers batok Orlando Magic 111-106, gipu-kan sa New York Knicks ang Memphis Grizzlies 133-129, gibunalan sa Boston Celtics ang Minnesota Timberwolvez 145-136, gipakuratan sa New Orleans Pelicans ang Philadel-phia 76ers 101-94.

Gidagit sa Atlanta Hawks ang Chicago Bulls, 120-108; gipalo-palo sa Denver Nuggets ang San Antonio Spurs, 121-119; gituhak sa Charlotte Hor-nets ang Milwaukee Bucks, 127-119; ug gipatugpa sa Los Angeles Clippers ang Houston Rockets, 126-109.

Samtang angay atangan sa mga sumusunod sa NBA ang panag-abot sa Los Angeles Lakers ug Brooklyn Nets kinsa maoy number one seed karon sa East karong alas 8:30 sa buntag, April 11.

Si Kevin Durant sa Nets ni-balik na og duwa human sa duha ka buwan nga pagkapal-ta gumikan sa hamstring inju-ry apan wala ang pambato sa Lakers nga si LeBron James kinsa nagpaalim pa sa iyang ankle injury. / PAC


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph