Kanhi piniriso balik prisohan

Hulagway iya sa Davao City Police Office
Hulagway iya sa Davao City Police Office

NASIKOP sa Tugbok Police Station Drug Enforcement Unit ang usa ka kanhi priso atol sa buy-bust operation pasado alas 11 sa gabii niadtong Biyernes, Abril 9, 2021, didto sa Purok 14, Palm Street, Barangay Mintal, Tugbok District, Davao City.

Ang suspek mao si Ju Bock Philben, alyas Bok, 24, Food Cart Marketing staff ug residente sa Barangay Matina Pangi, Davao City.

Subay sa impormasyon gikan sa Davao City Police Office nga kanhi priso ang suspek ug nakahimulos kini sa plea bargaining sa Branch 54 sa Regional Trial Court 11, hinungdan nga nakagawas kini sa Davao City Jail sa Maa.

Human nagmalampuson ang buy-bust, mosumada sa kantidad nga P300,000 ang gituohang shabu, selpon ug marked money ang nakuha gikan sa posisyon sa suspek.

Kasong paglapas sa Republic Act 9165 o ang Comprehensive Dangerous Drugs Act of 2002 ang gipasaka nga kaso batok sa suspek didto sa korte. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph