SUPERBALITA CEBU

100 ka mga bata gibunyagan

■ SADYA: Bisan gipatuman ang social distancing, sadya apan solemne ang pagbunyag sa 100 ka bata isip mga bag-ong Kristiyano kagahapon, Abril 11, sa Archdiocesan of Our Lady of Guadalupe Parish, Cebu Cty. / Amper Campaña

USA ka gatus ka mga puya ang nabunyagan sa pagka-Katoliko atol sa usa ka mass baptism nga gipahigayon sa Archdiocese sa Sugbo didto sa Archdiocesan Shrine of Our Lady of Guadalupe, Domingo, Abril 11, 2021-ang unang adlaw sa Triduum alang sa pagselebrar sa 500 Years of Christianity (500 YoC) sa nasod.

Kauban ni Cebu Archbishop Jose Palma silang Cebu Auxiliary Bishop Midyphil Billones ug Palo Archbishop John Du sa pagbunyag sa 100 ka mga bata nga gikan pa sa 19 ka lain-laing parokya ubos sa Archdiocese sa Sugbo.

Mitambong ug mikonselebrar usab si Cebu Auxiliary Bishop Emeritus Antonio Rañola sa misa kauban ang uban pang kaparian dinhi.

“They (children) are too small to understand the meaning now, but, perhaps, when they grow old in connection to the fifth centennary (500 YoC), we remember that they were baptized,” sigon ni Palma.

Usa ka renewal sa baptismal promises ang ipahigayon matag misa sa Dominggo sa tanang parokya ubos sa Archdiocese sa Sugbo samtang giawhag usab ang usa ka mass baptism.

Matod ni Sister Evangeline Pabalate, MCST, coordinator sa Archdiocesan Catechetical Ministry, nga maoy nanguna sa kalihukan, nga bisan kon adunay mga nauwahi pag-abot, nakatambong gihapon tanan ang 100 ka mga bata nga bunyaganan.

Dugang niya, kadaghanan kon 47 sa mga puya nga nabunyagan gikan sa Archdiocesan Shrine of Our Lady of Guadalupe.

Kini gisundan sa Archdiocesan Shrine of St. Therese of the Child Jesus (Lahug) nga anaa sa 12 ka mga bata; Cebu Metropolitan Cathedral-11; Our Lady of Sacred Heart (Capitol)-6; Sto. Niño (Guba)-3; Alliance of Two Hearts (Banawa)-3; Blessed Sacrament Parish-3; Our Lady of Mount Carmel Parish-Recoletos-2; Birhen de los Remedios Parish-2; Our Mother of Perpetual Help Redemptorist-2, ug tagsa gikan sa Archdiocesan Shrine of San Roque, San Isidro Parish (Talamban), St. Arnold Janssen Parish, Archdiocesan Shrine of Our Lady of Lourdes, Mary Help of Christian Parish, Saint Augustine of Hippo Quasi Parish-Recoletos; San Lorenzo Ruiz, ug San Nicolas Parish.

“We let the catechists choose the children to be baptized. The catechists chose those who are in the peripheries,” matod niya.

Dugang niya ang nagkadaiyang mga parokya na ang ni-subsidize alang sa mga kit nga nadawat sa pamilya sa binunyagan human sa bunyag sama sa certificate of attendance.

Si Rica Fasio, 18, gikan sa Barangay Inayawan, siyudad sa Sugbo, nagkanayon nga siya nalipay pag-ayo kay naapil sa maong bunyag ang iyang lima ka buwan nga masuso.

“Blessed ko may naapil akong anak. Interesado jud ko moapil mao tong niadto ko sa among simbahan,” matod niya.

Samtang si Emelina Mabuti, usa ka katekista sa Barangay Carreta, nga ni-sponsor og usa ka bata gikan sa Barangay Tejero, nagkanayon nga usa kini ka dako nga pribilihiyo alang kaniya.

Ang mama, papa, masuso nga bunyaganan, ug sponsor lamang ang nakalingkod sa matag pew aron masiguro gihapon ang social distancing.

Samtang, giawhag ni Palma ang mga magtutuo nga mag-ampo nga madayon unta sa pag-ari sa Sugbo alang sa selebrasyon si Papal Nuncio to the Philippines Charles Brown, kinsa nakaiskedyul nga manguna sa misa inig ka Abril 14.

“Yesterday, tungod sa mga restrictions, di pa gyod sigurado. We just pray that he could really make it kay gusto man niya,” matod ni Palma.

Iya usab gipanghinaot nga magmalinawon ug magmalampuson usab ang uban pang mga umaabot na kalihukan sa simbahan atol sa 500 YoC celebration.

Giawhag niya katong dili makatambong og personal sa pagsunod sa kalihukan pinaagi sa online platforms.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph