SUPERBALITA CEBU

Barrita: Way gitahod ang Covid-19

Tikdul-Tikdol

NAGKAMINOS ang mga kaso sa Covid-19 dinhi sa siyudad ug lalawigan sa Sugbo ug mga silingang lalawigan sa Central Visayas. Apan di kini igong hinungdan nga mokompiyansa kita kay way gitahod ang coronavirus, bisan pa ang mga dagkong opisyales.

Sa Sugbo, labing minos 11 ka mga mayor ang na-Covid-19, usa kanila nakabsan sa kinabuhi. Daghang mga magbabalaod ug mga sakop sa Cabinet ang na-Covid-19, apil si Presidential Spokesperson Harry Roque. Si PNP chief Gen. Debold Sinas na-Covid sab.

Si Roque di makalimtan kay sa dihang gipangutana siya bahin sa aksyon sa gobyerno batok sa Covid-19, miingon man siya, “We were excellent.” Nagpositibo siya sa Covid-19 niadtong Marso 15, negatibo sa Marso 25, apan napositibo na sab ug naospital.

Samtang nagpadayon ang pagsaka sa mga kaso sa Covid-19 sa NCR Plus, ang National Capital Region, lakip ang mga lalawigan sa Rizal, Bulacan, Cavite ug Laguna. Ubos sila karon sa istrikto nga enhanced community quarantine (ECQ).

Puno-puno na ang ilang mga hospital. Nagkuwang na sab ang ilang mga doktor ug nurses. Mao nga gipadala didto sa kaulohan ang 136 ka mga doktor ug nurses gikan sa ubang mga rehiyon isip augmentation sa ilang medical workforce.

Ang unang grupo sa 42 ka doktors ug nurses gikan sa Ilocos, Calabarzon ug Bicol, adunay 50 ka healthcare workers gikan sa Cebu ug laing 44 gikan sa Eastern Visayas, Zamboanga Peninsula, Northern Mindanao, Davao ug Bangsamoro.

Kini nagpakita sa “bayanihan spirit” sa mga Pilipino. Kinsa may magtinabangay kon di kita ra. Sama sa kanunay natong makita nga hulagway sa mga libro sa mga tawo nga magyayong sa usa ka balay nga gilawong ug ibalhin sa laing dapit.

Apan unsa ka tinuod nga napugos lang ang health care workers sa pag-adto sa kaulohan kay matod pa, “left with no choice” sila? Sa kang Super Jepoy sa DYSS pa, “way mahims.”

Si Undersecretary Jonji Gonzales sa Office of the Presidential Assistant for the Visayas miingon nga pagsuway kini sa pagpakauwaw sa pagtabang sa mga Bisaya ug insulto sa bayaning health care workers. Matod pa niya, “Our heroic doctors and nurses are of legal age and mature enough to say ‘yes’ or say ‘no’ to the deployment.”


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph