Dear Papa Joe,
Maayong adlaw kanimo. Tawaga ko sa ngalan nga Piling, 20, dalaga, taga Sugbo. Ang akong suliran kabahin sa amoang igsuon nga katol. Bisan og naa nay mga anak akong igsuon, pagka biyuda gyud niya, sa sobrang katol, nasakpan namo nga naghapin lang og karton sa mga ahente ug driver.
Gustohon namo motug-an sa amoang amahan sa iyang mga binuhatan, apan amoang giluom lamang kay basin matiwas amoang amahan. Karon nagpaburos napod sa laing lalake nga sa una iyang gipanumpa nga iya nang giluwa. Karon nakigbalik siya sa maong lalake ug nagtipon gayod. Ambot kaha unsay nakaon sa lalake pud nga gamata lang og buntag, niangkon man pod nga siya ang amahan nga kami mismo nakahibalo nga amoang igsuon galibod-suroy na sa matag gabii nga lipaton amoang amahan. Moangkas na siya og habalhabal nga naay gaingon nga uyab daw niya.
Sa nidagan nga mga adlaw ug buwan, naburos amoang igsuon. Hasta kami wala mi nasayod kinsay tinuod nga amahan sa iyang anak nga kapila na namo sakpi bisan kinsa lang ang kuyog. Nakit-an pa sa akong ig-agaw nga mao gyod paggawas gikan nag check-in.
Unsay angay namo buhaton nga iyang mga anak wa na siya kaatiman ug iyang gibilin sa ugangan. Hinuon biyuda man siya. Karon naa na napod siyay laing anak sa lain nga lalake apan sure mi kana iyang kapuyo duhaduhaan pa kon mao ba gayod ang amahan sa iyang bata.
Unsay tambal nga mahunong ang kakatol sa amoang igsuong bakakon? Anaa bay tambal sa babayeng bakakon ug katol?
PILING
Piling,
Ang ako ra masulti no mao nga ang imong igsuon naay psychological problem. Then more nga ingnon ninyo siya nga katol, the more na siya mangita og kadangpan sa laing tawo, bisan temporaryo nga makuha niya sa mga lalake na magpakita niya og pagpangga kunuhay.
Idangop na siya ninyo sa Department of Social Welfare and Development kay basin pa matabangan mo.
Papa Joe
(para sa inyong tampo ipadala lang sa papajoesuperb@gmail.com)