Gumikan kay wala nadayon ang iyang tinguha nga makig-away og balik kang Mike Tyson sa usa ka exhibiton bout, ang kanhi heavyweight boxing world champion nga si Evander Holyfield nipili na lang og laing kontra.
Napilian ni Holyfield mao si Kevin McBride ug ipahigayon ang ilang away karong Hunyo 5, 2021. Ang 8-round exhibition bout maoy magsilbeng top supporting fight sa lightweight unification fight nila ni Teofimo Lopez Jr. ug George Kambosos Jr. sa Triller pay-per-view.
Si McBride maoy katapusang nakontra ni Tyson una kini miretiro niadtong 2005. Gipaundang ni McBride si Tyson sa 6th round sa ilang away.
Gipasabot ni Holyfield nga nalusno ang negusasyon sa ilang away ni Tyson human nangandoy og $25 million ang gitawag og Iron Mike. (ESL)