Dear Noy Kulas,
Hello, Noy. Tawga lang ko og Mikmik. Ang akong problema parte ni sa akong stepmom.
Ang akong mother namatay three years ago. Si Papa nangita og lain kay boring kuno kon way partner. Nisugot ra sab mi sa akong brother kay maluoy pud mi ni Papa nga maorang usa. Kabantay mi nga pirme siyang guol kaayo mao among gipasagdan.
Nakauyab si Papa og 30 plus years nga babaye nga mao na karon ang among stepmom. Ang problema namo sa among brod kay maldita kaayo ni siya. Bisan ang among father singkahan lang. Kami kay iyang kusion or labayon og butang. Kani si Papa amo nang gisultihan but ingon niya amo lang pasagdan, di namo patulan. Pero maldita na man kaayo. Unsa kaha ang among buhaton? Love ra ba kaayo ni Papa ning bayhana.
MIKMIK
Mik,
You have all the right nga mo-defend sa inyong right isip mga anak sa inyong amahan. Lega mo nga mga anak nga dunay hingpit nga katungod kay sa babaye nga wa pakasli sa inyong amahan. Kon magpadayon na siya sa pagpasakit ninyong duha, mahimo man nga ireklamo na ninyo og una sa barangay. But agig courtesy sa inyong amahan, pananghid una nga inyo nang ireklamo kon padayon nang mangabusong pisikal ninyong duha. Di baya sab maayo nga inyo lang na siyang pasagdan kay mas mosamot ang iyang pangabuso nga hayan mas mograbe pa. Mao baya nay tendency sa tawo.
Ayaw lang sab kasuk-i ang inyong amahan kay aron di makakitag rason ang babaye nga maminaw kon magsige og sulsol nang bayhana niya. Maintain a good relationship sa inyong amahan as much as possible.
NOY KULAS