MISAKA ang ihap sa mga aktibo nga kaso sa Cagayan de Oro human ang dakbayan mitala og walo ka bag-ong kaso sa Covid-19.
Miabot sa 4,339 ang kinatibuk-ang ihap sa mga kaso sa Covid-19 sa dabayan, ug ang aktibo nga kaso anaa sa 242.
Matud ni Acting City Health Officer Dr. Lorraine Nery, sa 4,339 nga kinatibuk-ang kaso sa Covid-19, 434 niini mga ROFs/LSIs ug 3,905 ang mga local transmissions.
Ang Cagayan de Oro adunay 242 ka mga active cases, 62 niini na-admit sa Northern Mindanao Medical Center ug uban pang mga ospital sa syudad, 173 ang mga outpatients, ug pito ang mga ROFs/LSIs.
Nakatala usab og walo ka mga coronavirus-positive nga mga kaso nga karon naka-recover. Anaa na karon sa 3,894 ang ihap sa mga nakarekober nga mga kaso sa dakbayan.
Sa maong numero, 304 ang mga LSIs, 121 ang mga ROFs, ug 3,469 ang mga lokal nga kaso (community: 2,943; Apors: 526).
Ang ihap sa mga namatay sa Covid-19 sa syudad naa sa 203.