Nagkanaton si basketball legend Ramon Fernandez nga sakto ang desisyon sa batan-ong higante nga si Kai Sotto sa pag-training sa Amerika alang sa pangandoy niining mahimong labing unang lumad nga Pinoy nga makaduwa sa National Basketball Association (NBA).
“Ang masasabi ko lang, tama yung ginawa niya na nagpunta siya sa States at doon siya nag-training,” matod ni Fernandez sa Philippine Sportswriters Association (PSA) Forum sa Manila kagahapon nga napatik sa Spin.ph.
Hinuon giangkon sa gitawag og El Presidente sa Philippine Basketball Association (PBA) nga wala na siya makasunod sa kalambuan sa 7’3” ug 18 anyos nga basketbolista.
Gipasabot ni Fernandez, kinsa kasamtangang komisyoner sa Philippine Sports Commission (PSC), wala na siya nakatutok og maayo sa basketball gikan sa iyang pagretiro niadtong 1994. (ESL)