SUPERBALITA CEBU

Digital Catechism Program sa Smart misanag sa 18th Philippine Quill Awards

ANG wireless unit sa PLDT, Smart Communications Inc, (Smart), bag-ohay lang nakaani og pasidungog sa Digital Catechism sa 18th Philippine Quill Awards.

Ang pasidungog, tipik sa daghang mga programa ug kampanya sa Grupo, nagkampyon sa hiniusang tinguha sa pagpauswag sa mga kabag-ohan aron pagpalig-on sa nasyonalismo ug pagtuo sa Pilipinas.

Ang Digital Catechism Program sa Smart: Road to PH’s 500 Years of Christianity nakadawat sa Excellence Award ubos sa Communication Management Division, samtang ang programang Heritage Tour Series midaug og Merit Award ubos sa Communication Skills Division.

“Over the years, Smart’s Digital Catechism Program has unlocked limitless opportunities using digital technologies in expanding Catholic faith education and formation, strengthening the protection of religious heritage structures, and supporting the country’s push for faith tourism,” matod ni Atty. Maria Jane Paredes, AVP/Center Head Smart Group Corporate Communications VisMin.

Giorganisar sa Philippine chapter sa International Association of Business Communicators, ang Philippine Quill Awards nagpasidungog sa mga programa ug kampanya nga nagpakita sa global standards sa maayo kaayo, epektibo ug dunay katuyoan nga business communication sa IABC.

Nagmugna og #MaayongKalibutan alang sa tanang mga Filipino

Ang Digital Catechism sa Smart maoy usa ka proyekto sa pagpalapad sa Digital Tourism Program, nga nalakip sa corporate social responsibility (CSR) nga mga paningkamot sa kompaniya nga gitumong sa pagmugna og #BetterWorld alang sa tanang mga Filipino.

Gilusad niadtong 2012, ang programa nagpasiugda sa paggamit sa mobile technology aron paghatod sa kulturanhon, makasaysayanon ug mga kasayuran sa pagbiyahe ngadto sa mga nanggamit og smartphones. Kini naglangkob sa pagmugna og apps, mobile guides ug interactive nga mga materyal nga maghatag og sayon nga lapad nga mga impormasyon sa mga turista ug mga lumolupyo kalabot sa destinasyon, sa ingon mahatagan ang mga biyahidor og ilang kaugalingon nga tour guides o kauban sa pagbiyahe.

Gawas sa Excellence ug Merit awards sa Digital Catechism nga mga paningkamot sa Smart, ang wireless nga sanga ug iyang ginikanan nga kompanya, PLDT Inc. (PLDT), nidaug og 59 alang sa grupo, apil na ang Company of the Year ug 1st runner up nga mga titulo.

Digital Catechism:

mga kabag-ohan alang sa pag-umol sa pagtuo ug pagtipig sa mga kabilin

Ang unang kabag-ohan sa Digital Catechism Program sa Smart mao ang paghatag sa mga magpapanaw, langyaw ug lokal nga mga turista, sa bisan unsang edad, mao ang paghatag og impormasyon ug mga kasayuran sa kasaysayan ug dapit gamit ang naandan kaayong galamiton karon—ang smartphone.

Ang pagpakilambigit sa Smart tali sa nagkadaiyang mga diocese sa lainlaing mga dapit sa nasod naghatag og dalan alang sa pagpalapad ning mao nga mga paningkamot. Ang programa nakakab-ot ning mga mosunod:

* Pagpamutang sa Interactive Markers. Sa pagkakaron, sa kinatibuk-an dunay nabutang nga 42 ka interactive tourism Quick Response (QR) code markers nga dunay NFC chips sa nagkadaiyang mga relihiyuso ug makasaysayanong mga dapit sa Archdiocese of Cebu ug Dioceses sa Dumaguete ug Jaro, Iloilo.

* Heritage tours gamit ang smartphones isip kuyog sa pagbiyahe. Ang Smart, pinaagi sa hugot nga pagpakigtambayayong tali sa nagkadaiyang mga Archdiocese ug Dioceses sa nasod, nag-organisar og ‘Heritage Tour Series,’nga nagpakita sa mga giya nga nagpasundayag sa mga dapit nga naa ang mga kabiling relihiyuso nga gibutangan og interactive QR code markers. Matag heritage tour tapuson sa hamubo nga diskusyon nga naghatag og kabug-aton sa kamahinungdanon sa pagpanalipod sa mga dapit nga kabilin ug pagpaambit kon giunsa paggamit ang mao nga mga estruktura isip epektibong mga galamiton sa ebanghilisasyon.

* Paghimo sa Faith Mobile Apps. Ang unang tumong sa paghimo sa Visita Iglesia Mobile App mao ang paghatag sa mga relihiyusong deboto og sayon nga giya sa bantugan nga heritage churches sa Sugbo. Una kining gipagawas niadtong 2014 ug bag-ohay lang gi-update aron pagdugang sa bag-ong mga kalamboan ug impormasyon. Ang app naghatag og kulturanhon, makasaysayanon ug relihiyusong mga kasayuran sa gihisgutang dapit. Magsilbi usab kining virtual nga pagbisita sa mga tawo nga di na pisikal nga makaapil sa Visita Iglesia matag Semana Santa.

Bag-ohay lang gilusad sa Smart ang Panaw sa Pagtuo: A Journey of Faith at 500 Years of Christianity Travelling Exhibit, tali sa Archdiocese of Cebu pinaagi sa Commission for the Cultural Heritage of the Church niini, ug InnoPub Media. Gibuksan kini niadtong Abril 11, 2021 sa SM City Cebu Northwing Atrium, ug gipakita sa exhibit ang mga replica sa simbahan sa panahon sa mga Katsila ug naggamit sa daghang digital nga mga kabag-ohan sama sa QR codes ug virtual reality (VR) devices aron pag-usab sa mga kasinatian sa mga bisita sa mga relihiyusong bahandi sa Sugbo. Sa tibuok tuig, ang travelling exhibit magsunod sa piho nga agianan ug moduaw sa siyam ka inahan nga mga parokya sa Sugbo.

“This is the end-product of many hours of hard work and collaboration with our partners, The Archdiocesan Commission for the Cultural Heritage of the Church and InnoPub Media. We have been able to innovate and integrate digital technologies to strengthen the Archdiocese of Cebu’s church heritage conservation efforts. These were mostly done via digital productivity tools, amid the pandemic,” matod ni Smart President ug CEO Alfredo S. Panlilio.

Ang mga paningkamot sa Digital Catechism and Tourism sa Smart magsalig sa mobile network sa tibuok nasod, nga miabot sa 96 porsyento sa populasyon gikan sa Batanes ngadto sa Sulu ug mopalihok sa ubang mga programa sa CSR sa edukasyon panginabuhian, pangandam sa katalagman ug pagtubag ug tinugyanan sa kalikupan. (REV gikan sa PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph