Gipahibawo ni Lapu-Lapu City Mayor Junard Chan nga way madawat nga “Quincentennial bonus” ang mga kawani sa city hall.
Kini subay sa kasaulogan sa dakbayan sa ika-500 ka tuig nga kasumaran sa Kadaugan sa Mactan karong Abril 27.
Ang konseho nipalabang og resolution nga kahatagan og quincentennial bonus ang mga city hall employee isip pahalipay.
Apan ang mayor nipasabot nila nga dili kini maoy prayoridad sa pagkakaron.
Matod ni Chan nga gumikan sa nagpadayong pandemya sa Covid-19 mas bintaha nga magdaginot ang kagamhanan sa pundo.
Nanagana ang mayor nga sa higayon nga molanat pa og taas nga panahon ang epekto sa pandemiya, aduna pay makuot ang siyudad nga pundo.
Kon matapos ang tuig unya aduna pay igong pundo ang kagamhanan dili magmakuli ang mayor sa paghatag ug bonus ngadto sa mga kawani.
“If we have extra before the end of the year probably we can ask the President to give to our workers quincentennial bonus,” sumala pa ni Chan. (GCM)