JAS, Davao Occidental -- Bida sa ikaw-66 nga Araw ng Jose Abad Santos ang mga overseas Filipino workers (OFWs) sa ilang pagsalmot sa TikTok Dance Contest Special Edition (OFW) karong unaabot nga Abril 20, 2021.
Apan, dili na mahimong makaapil ang mga nagmadaugon niadtong milabay nga TikTok Dance Contest aron mahatagan og kahigayonan ang ubang OFW nga makadaog niini.
Sumala ni Mayor Jason John Joyce nga tanang aktibidad nga ilang gimugna gikan Abril 16-20 alang sa kasumaran sa lungsod nga nahatagan og pagtugot sa Provincial Inter-agency Task Force (PIATF).
Di sab mawagtang ang mga sporting events sama sa men and women badminton ug body boarding contest.
Ang badminton aduna’y single ug double mixed category nga pagasalmutan sa 40 anyos pataas ug 18 anyos pataas nga salmutan sa mga residente sa lugar lamang.
Abri kini alang sa mga personahe sa Department of Education, Philippine National Police, Philippine Army, Bureau of Fire Protection, Tomas Lachica District Hospital ug ubang Non-Government Organizations nga nadestino sa lungsod.
Gikinahanglan sab nga physically fit ang matag partisipante ug makakuha og medical certificate gikan sa Rural Health Unit. (Orlando B. Dinoy)