DAKO nga pakite sa gituohang shabu ang nakumpiska sa kapulisan sa Sta. Ana Police Station gikan sa usa ka 22 anyos nga notadong tigpayuhot og druga.
Ang Sta. Ana police sa panguna sa hepe Police Major Benkalin Baluan mikasa og usa ka buy-bust operation human nila madawat ang impormasyon sa ilegal nga lihok sa suspek.
Nagpositibo nga mobaligya ang suspek sa nagtakuban nga pulis, hinungdan nga gilusad ang buy-bust ug nasikop ang nahisgutan alas 9 sa gabii, niadtong Miyerkules didto sa Torres Street, Corner Lapu-Lapu, Barangay Agdao Proper, Davao City.
Giila sa kapulisan ang suspek nga si Alex Ongco, taga Catalunan Grande, siyudad sa Davao.
Nakuha sab sa posisyon sa dinakpan ang motorsiklo, cellphone ug marked money.
Kanhi na sab nga napriso ang suspek sa kalapasan gihapon sa Republic Act 9165 kon Comprehensive Dangerous Drug Act of 2002. (Jeepy P. Compio)