MIUBOS ang recovery rate sa Cagayan de Oro human nakatala kini of siyam ka mga bag-ong naka-recover nga mga coronavirus-positive nga mga pasyente.
Ang kinatibuk-ang ihap sa mga naka-recover nga mga pasyente miabot na sa 3,903. Ang recovery rate sa dakbayan anaa na sa 89.29 percent.
Sa maong 3,903, 304 ang mga locally stranded individuals (LSIs), 121 ang mga returning overseas Filipinos (ROFs), ug 3,478 ang mga lokal nga kaso (community: 2,951; Apors: 527).
Nakatala usab og 32 ka mga bag-ong kaso sa coronavirus disease (Covid-19) ang Cagayan de Oro.
Sumala ni City Health Officer Dr. Lorraine Nery, sa 32 ka mga bag-ong lokal nga kaso, usa ang person deprived of liberty (PDL), siyam ang mga local index nga mga kaso, ug 22 ang mga local case with link.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 4,371.
Sa 4,371 nga kinatibuk-ang kaso sa Covid-19 sa syudad, 434 ang mga ROFs/LSIs ug 3,937 ang mga local transmissions.
Ang Cagayan de Oro adunay 265 ka mga active cases, 67 niini na-admit sa Northern Mindanao Medical Center ug uban pang mga ospital sa syudad, 191 ang mga outpatients, ug pito ang mga ROFs/LSIs.
Ang ihap sa mga namatay sa Covid-19 sa syudad naa sa 203.