Murray na ACL

Ang Denver Nuggets padayon mga moduwa nga wala ang ilang usa sa mga sinaligan gumikan sa angol.

Si Jamal Murray, naputol ang iyang anterior cruciate ligament (ACL) sa iyang wala nga tuhod base sa nigawas nga resulta sa iyang magnetic resonance imaging ( MRI)

Ang pagkaangol ni Murray nagpasabot nga dili na siya makaduwa sa nahabiling mga duwa hangtod sa NBA playoffs diin ang Nuggets dako og purohan nga makasulod sa playoffs.

Siya naangol atol sa ilang duwa batok sa Golden State Warriors diin siya ni-lay-up ug suway nga nilayat ug kalit lang nga nihigda gumikan sa injury.

Si coach Michael Malone nabalaka sa iyang star sanglit dako og papel nga gihuptan si Murray sa nakab-ot karon sa Nuggets ug si Nikola Jokic nalang mosandig ang Nuggets niining naghinapos nga bahin sa regular season.

Si Murray nag-average og 21 puntos ug 4.8 assist per game diin ang Nuggeta kasamtangan nga nahimutang sa fourth seed sa West. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph