Ang Pilipinas mosalmot sa World Cup of Pool nga ipahigayon didto sa Milton Keynes sa England karong Mayo 9 hangtod sa 14.
Sila si Jeff De Luna ug Roberto Gomez maoy mobandera sa Pilipinas kinsa makigdinombolay sa mga beterano ug banggiitan nga bilyarista sa tibuok kalibotan.
Ang tandem ni De Luna ug Gomez nagtingunha nga nasakmit sa Pilipinas ang ika-upat nga titulo nga pagasalmotan sa 32 ka mga nasod.
Ang Philippines nahimutang sa ikaduhang dapit sa katapusan nilang torneyo niadtong 2019 nga gi-representahan ni De Luna ug Carlo Biado ang nasod diin sila napilde, 11-3 batok nilang Mario He ug Albin Ouschan sa Austria.
Si De Luna maoy nahabilin sa representante sa Pinas ug iyang ikauban si Gomez kinsa niparis usab kang Dennis Orcullo niadtong 2010 edition ug sama sa nakab-ot niadtong tuig 2019, sila gihapon ang second placer.
Ikaatbang sa Pilipinas sa maong torneyo ang mga maayong pool player sa kapin 30 ka nasod apil na ang defending champion nga Austria kinsa nikuha gihapon sa serbisyo nilang He ug Ouschan.
Samtang ang all-female team mopakita usabbog aksyon didto sa Great Britain B nga bidahan nilang Kelly ug Allison Fisher isip mga player.
Katapusan nga nidaog ang Pinas niadto pang tuig 2013 dii silang Orcullo ug Lee Vann Corteza ang nahimong kampyon.
Silang Efren “Bata” Reyes ug Francisco “Django” Bustamante nidaog sa maong kompetisyon niadtong 2006 atol sa pagsugod ug nausban kini niadtong tuig 2009 nga dinhi sa Pilipinas giduwa. (PAC)