Gihulagway ni kanhi four-time PBA MVP nga si Ramon Fernandez nga dako og ikatabang sa Philippine Basketball ang pagkahimugso Maharlika Pilipinas Basketball League ug National Basketball League ug Pilipinas VisMin Cup.
“The more, the merrier. Mas mai-involve yung mga kabataan natin sa sports. Magiging healthy sila and some of them can pursue their studies through sports,” matod ni Fernandez atol sa forum uban sa Philippine Sportswriters Association.
Ang gitawag og El Presidente sa PBA usa sa mga commissioner sa Philippine Sports Commission nihangop sa pagdaghan sa liga sanglit daghab ang mahatagan og kahigayonan nga makaduwa ug malayo sa mga dautang bisyo.
Niadtong 1998, si Fernandez usab ang founding commissioner sa nitaliwan na nga Metropolitan Basketball Association dii ubay-ubay sa mga kanhi player nga nagmalampuson sa Philippine Basketball Association (MBA) sama ni Cebu City Councilor Dondon Hontiveros.
“That’s a very welcome news for us, especially for me. Every time I go to the provinces, I always encourage the LGUs, the leaders, and even the youth to get themselves in sports. You can never go wrong when you’re in sports,” dugang ni Fernandez.
Apan taliwa sa pagsulbong sa MPBL, NBL, VisMin Cup, iyang gipahimangnoan ang mga organizer aron dili masama ang ilang liga sa gidangatan sa MBA nga kaniadto daw nahisama ang ilang kasikat sa PBA sanglit suportado kini sa matag rehisyon.
Iyang gidugang nga ang mga regional league kinahanglan nga ilang tun-an ang set-up ug estratehiya sa National Basketball Association, PBA ug ubang dagko nga liga sa kalibotan aron magpadayon ang ilang development ug di mosunod sa MBA ng nilanat lang og upat ka tuig (2002).
“What they have to do is study and look at the NBA set-up and PBA set-up. Although they’re two entirely different business models, they just have to look at that, yung organization kung paano na-set up para magpatuloy ang mga liga nila,” padayag niya.
“Welcome ‘yan. The more leagues, the better. Mas busy ang kabataan natin and it will keep themselves healthy and away from drugs and other vices,” litaniya ni Fernandez kinsa adunay 19 ka championship sa 19 niya ka tuig sa PBA. (PAC)