Presyo sa karne sa manok ug baboy sa Carbon Public Market nius-us og balik ngadto sa iyang naandan nga presyo, matod sa Cebu City Market Operations Division (MOD).
Si Cebu City Market Administrator Irvin Cabales niingon nga ang mga presyo sa nagkadaiyang mga hiwa sa karne sa baboy naa na sa P160 ngadto sa P200 matag kilo. Sa Abril 14, 2021, ang kilo sa porkchop naa sa P115; liempo, P180; pork tenderloin, P180; paa, P170-P200.
Kini ubos kaayo itandi sa Enero-Pebrero 2021 dihang ang presyo sa karne naa sa P280.
Sa Abril 14, base sa price monitoring sa MOD, ang hiwa sa dughan sa manok naa sa P125 matag kilo; drumstick, P175; atay ug batikon, P140; paa, P175; tibuok manok, P150; ug pako P175. Matod ni Cabales nga ang rason sa pagminos sa presyo mao ang pagsaka sa supply. (JJL)