SUPERBALITA CEBU

7 ka bata gibunyagan sa ‘Unang Bunyag’

Pito ka mga bata gibunyagan sa pagka-Kristohanong Katoliko atol sa selebrasyon sa paghandom sa ika-500 nga anibersaryo sa labing unang bunyag sa nasud, kagahapon, Abril 14, 2021, sa Plaza Sugbo sa Siyudad sa Sugbo.

Si Papal Nuncio to the Philippines Archbishop Charles Brown mismo nisaulog sa usa ka misa mahitungod sa selebrasyon ug ang nangulo sa pagbunyag ug pagdawat sa Kristohanong banay sa pito ka mga bata nga silang: David Villagracia, John Michael Dragon, Milby Elosendo, April Suan, Billy Connie Pal, French Cedric Sison, and Jolito Abaquita, Jr, to the Catholic Christian community.

“We will give rebirth, in the spirit, to these seven wonderful children by means of baptism. We will give them the light of Christ,” matod ni Brown.

Nagkanayon si Rosemarie Elosendo, guardian ni Milby, 13, usa sa mga gibunyagan niadtong Miyerkules ug usa ka miyembro sa indigenous community, nga ila mismomg kagustuhan nga magpabunyag si Milby.

“Taga Iloilo gikan mi. Pag-abot diha sa Naga, gidawat kami ni Mayor Chiong para mailisan na siya, dira na kami gipahimutang nila. Kay bal-an nimo, kami, hindi kami permente sa isa ka lugar,” matod niya.

“Karon kay gipahimutang na kami, nga may naa diay nga kalihukan nga makuan mi, uyon na lang pod kami kay luoy man na walay baptismal (certificate). Ang iya tatay wala poy grado. Amo na nagpaningkamot kami na bunyagan siya,” dugang ni Elosendo.

Sa sama nga si Noel Fabrua, amahan ni David Villagracia, 10, nagkanayon nga isip amahan, nalipay siya og dako nga naapil ang iyang anak sa maong selebrasyon.

“Nalipay. Naapikihan sa panahon ug sa kalisod ba,” tubag niya sa dihang gipangutana kon nganong medyo nalangay ang pagbunyag kang David.

Matag-usa sa mga bata nga bag-ong gibunyagan nakadawat usab og imahen sa Sto. Niño isip baptismal gift. Sama sa nahimong regalo ni Ferdinand Magellan ngadto kang Hara Humamay, asawa ni Rajah Humabon nga maoy lider sa Cebu kaniadto.

Sa iya usab homily, nagkanayon si Brown nga kon hinuklugan sa mga Cebuano ang mga panghitabo base sa Katolisismo dinhi sa Sugbo niadtong 500 ka tuig ang nilabay, di malikayan ang paghuna-huna sa usa ka “paradox” nga ang Kristiyanismo nagsugod sa Asya ug nikatag ngadto sa lain pang bahin sa Asya, North Africa ug Europa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph