Chan mohangyo sa IATF langyaw pasudlon na

Chan mohangyo sa IATF langyaw pasudlon na. (File photo)
Chan mohangyo sa IATF langyaw pasudlon na. (File photo)

Gibutyag ni Lapu-Lapu City Mayor Junard Chan nga mosuwat sila sa Inter Agency Task Force (IATF) nga tugotan na ang mga langyaw nga turista nga makabiyahe sa dakbayan isip turista.

Kini aron sa pagbuhi na sa ekonomiya sa turismo sa dakbayan nga maoy gisaligan sa kadaghanang mga Oponganon.

Apan giklaro ni Chan nga kadto lamang mga turista nga nabakunahan na sa ilang tagsa-tagsa ka nasod ang tugotang makasulod.

Nakita ni Chan nga dugay na ang nasinating kalisod sa mga Oponganon nga nagsalig sa turismo sama sa mga boatmen, tour guide, tourist van driver ug uban pa nga gagmayng manindahay human nga miigo ang pandemya kapin sa usa ka tuig na ang milabay.

Nunot sa kadaghan nang nabakunahan sa ubang mga nasod, panahon na usab nga inanay nga ablihan ang turismo sa dakbayan ngadto sa mga langyawng turista nga maoy gikonsiderar nga nag-unang makatampo sa pagbalik sa ekonomiya sa turismo.

Wa mabalaka si Chan sa laing pagsaka sa kaso sa Covid-19 kon tugotan ang mga langyaw nga makabiyahe na sa dakbayan sanglit nabakunahan raman ang tugtan makasulod.

Ang kaso sa coronavirus disease Covid-19 sa dakbayan nagka-anam kaubos sa milabayng mga semana. / GCM

Nasayran nga nakadawat usab si Chan ug pahibawo gikan sa Bureau of Immigration BI nga aduna nay tugotang biyahe gikan sa gawas sa nasod karong Abril 22 nga gihangop sa mayo. (GCM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph