Gideklarar nga national cultural treasure sa National Historical Commission of the Philippines (NHCP) ang Basilica Minore del Santo Niño samtang gisaulog dinhi sa Sugbo ang ika 500 ka tuig nga Unang Pagbunyag sa Kristiyanismo.
Matod sa usa ka pari nga nihangyong di nganlan, nga nagpasabot nga ang Basilica prayoridad na sa kagamhanan alang sa proteksyon, pagkonserba ug pagpahiuli.
Duna kini insentibo alang sa pribadong suporta sa konserbasyon ug pagpahiuli pinaagi sa Conservation Incentive Program sa NHCP alang sa national cultural treasures. (REV)