SUPERBALITA DAVAO

‘Kulto’ gipangandaman sa kapulisan

STA. CRUZ, Davao del Sur -- Daghan sa mga netizens ang nabalaka human nabaniog ang pagtuyok-tuyok sa grupo sa mga “kulto” sa ubang dapit sa rehiyon ug matod pa manoktok og kabalayan sa lawom nga kagabhion.

Tungod niini, si Major Crisaldo Gaila, hepe sa Sta. Cruz Municipal Police Station, nagtahas sa iyang mga ginsakpan nga mahimong alerto ug magpatrolya sa kadalanan panahon sa kagabhion.

Giklaro ni Gaila nga wa pa sila makadawat og taho nga nakaabot na kini sa ilang lugar apan gitataw niini nga ila ng gipangandaman kun unsa’y mga angayang buhaton sa takna nga makasulod kini sa ilang lugar.

Ang lungsod sa Sta. Cruz maoy entradang parte sa Davao del Sur kung gikan sa Davao City ug uban pang mga kasikbit nga dapit sa Davao Region mao nga alerto ang kapolisan sa tanang matang sa kriminalidad.

Apan, sumala ni Gaila nga sa pagkabaniog pa lang sa maong balita, iya dayon gipaandam ang iyang mga ginsakpan aron makahimo sila og mga lakang ugaling tinuod nga nagtuyok-tuyok ang mga sakop sa Kulto.

Sumala ni Gaila nga hangtud dili makumpirma ang maong taho kinahanglan nga mahimong vigilante ang publiko ug motaho gilayon kanila aron madakpan ang maong grupo. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph