SUPERBALITA DAVAO

Magtiayon nanindag P6.8M shabu tanggong

COTABATO CITY -- Nadakpan sa mga awtoridad ang magtiayon nga giingong drug dealer alas 2:45 sa hapon, Miyerkules, April 14, sa siyudad sa Marawi.

Naila ang mga suspek nga sila Ating Pundogar alyas Alex, 47 anyos, construction worker, ug asawa niini nga si alyas Nora, 48 anyos, pulos molupyo sa Barangay Madaya Poblacion, Maguing, Lanao Del Sur.

Matud ni Philippine Drug Enforcement Agency-Bangsamoro Autonomous Region (PDEA-BAR) Director Juvenal Azurin nga nagpahigayon sila og buy-bust operation sa National Highway, Barangay Matampay, Marawi City uban ang puwersa sa 1403rd Regional Mobile Force Company, Marawi City Police Station, Alpha and Bravo Coy 82nd Infantry Battalion, 3rd Infantry Division, Philippine Army, 103rd Brigade, 500ECB ug 51st IB.

Atol nga gitunol sa mga suspek ang shabu sa PDEA agent, didto na sila gipangdakop.

Nakuha sa posisyon sa magtiayon ang napulo ka pakite nga dunay sulod nga gituohang shabu

nga gisulod sa green plastic cellophane nga motimbang mokabat kapin kun kulang 1,000 gramos ug nagkantidad og P6,800,000, usa ka unit sa Red KIA Sportage dunay plate # AAX 8844 ug mga IDs.

Ang magtiayon dugay na nga gipanid-an sa mga sakop sa PDEA-BAR nga nalambigit sa illegal drug trade sa Lanao Del Sur, Maguindanao, Cotabato City ug Iligan City.

Sa kasamtangan, ang mga suspek ang gibalhog na sa custodial facility sa PDEA-BAR ug nakatakdang pasakaan sa kaso didto sa korte. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph