SUPERBALITA CEBU

VisMin Super Cup aduna’s game fixing?

GIUWAN og kontrobersya ang duwa tali sa ARQ Builders-Lapu Lapu City Heroes ug Siquijor Mystics sa 2021 Chooks-To-Go Pilipinas VisMin Super Cup niadtong Abril 14, 2021 sa Alcantara Civic Center sa Lungsod sa

Alcantara, Cebu.

Gidudahan nga adunay “game fixing” nga nahitabo sa maong duwa tungod sa kahibulongan nga mga sipyat sa free throws ug layups.

Tungod niini gipa-imbestigahan ni Games and Amusements Board (GAB) chairman Baham Mitra ang maong duwa ug posible nga mapahamtangan og silot ang nalambigit nga players o teams.

Gikahibulngan kon nganong ang duha ka teams nagkalisod pagpasulod sa ilang free throws.

Sa hiniusang pag-ihap, ang duha ka teams igo lang mitali og 4-out-of-29 sa free throw line.

Adunay usa ka posisyon diin usa ka Siquijor player ang nasipyat sa iyang layup bisan wala’y nagdepensa niini.

Giundang ang maong duwa sa halftime nga naglabaw ang Heroes, 27-13.

Matod sa press release sa maong liga nga giundang kini tungod sa power outage apan nigawas sa mga taho nga gipaundang gyud kini sa league o cials tungod sa kadudahan nga mga aksiyon sa duha ka teams sulod sa korte.

Ang GAB mipahigayon na sa ilang imbestigasyon ug posibleng mopagawas na sa ilang desisyon human sa ilang board meeting.

Tungod sa maong panghitabo, giuswag sa league officials ang tanang mga duwa kagahapon.

Mopadayon ang aksiyon karong adlawa sa susamang venue.

Ang liga nakadesisyon nga hingpit taktakon ang Siguijor sa torneyo ug gipang-ban ang tanan nilang mga magdu duwa ug coach nga makaduwa sa bisan

unsa nga team sa liga.

Samtang ubay-ubay sa mga magduduwa sa Lapu-Lapu apil ang ilang coach ang gipahamtangan og suspensyon hangtod mahuman ang 1st round ug gipamulta sab kini.

Ang video clips sa maong duwa mikatag na sa social media ug mi-react ang mga magduduwa sa Philippine Basketball Association (PBA) nga sila si Kiefer Ravena, Marc Pingris, Paul Lee, CJ Perez ug coach Charles Tiu.

Matod ni Ravena sa iyang tweet nga makaguol nga giduwa-duwaan lang sa uban ang usa ka sport nga nakahatag og panginabuhian sa daghang mga basketbolista. Nidugang si Ravena nga angay hatagan og respeto ug integridad ang basketball.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph