GIYAGYAG ni Chooks-to-Go president Ronald Mascariñas ang iyang kapungot
kabahin sa gidudahang “game fixing” nga nahitabo atol sa duwa sa ARQ
Builders-Lapu Lapu City ug Siquijor Mystics niadtong Abril 14, 2021 sa 2021 Pilipinas Vis-Min Super Cup Visayas leg sa Alcantara Civic Center sa Lungsod sa Alcantara, Cebu.
Sa iyang suwat ngadto sa chief operations officer sa liga nga si Rocky Chan, si Mascariñas mi ingon nga makauuwaw ang maong panghitabo ug nakadaot kini sa integridad sa liga.
Ang Chooks-To-Go nakadesisyon nga mo-sponsor sa liga usa ka adlaw sa wala pa nagsugod ang Visayas leg niadtong Abril 9, 2021.
“As Title Sponsor of the Inaugural Conference of the Pilipinas VisMin Super Cup, Bounty Agro Ventures Inc. (BAVI) and its agship brand Chooks-to-Go gave the Pilipinas VisMin Super Cup our full support because of our shared advocacy for Philippine basketball. However, we have witnessed with deeply disturbing concern how the quality and integrity of the games in the league have plunged steeply in just a week’s run,” tipik sa suwat ni Mascariñas.
Gusto ni Mascariñas nga pahamtangan og silot ang mga nangahilambigit sa hitabo. (ESL>)