SUPERBALITA CEBU

Ex-NBA gikiha og rape

NAG-ATUBANG karon og reklamo ang kanhi National Basketball Association (NBA) player ug college basketball coach nga si Walter McCarty human kini gikiha sa usa ka estudyante nga babaye og sexual abuse.

Basi sa lawsuit nga gi-file sa babaye nga adunay alyas nga Jane Doe, kanhi estudyante sa University of Evansville, nga gi-rape siya sa 47-anyos nga si McCarty niadtong Disyembre 9, 2019.

Matod ni Doe, gipadalhan siya og daghang mensahe ni McCarty sa social media ug gi-pressure siya nga moadto sa balay sa basketball coach sa Indiana.

Tuod man, miadto ang babaye sa balay ni McCarty ug didto daw nahitabo ang sexual harassment.

Giangkon sa babaye nga human sa maong insidente naapektuhan siya emotionally ug na-diagnose nga adunay post traumatic stress disorder (PTSD).

Gihimakak ni McCarty ang pasangil ug niingon nga sa iyang 47 ka mga tuig sa kalibutan wala pa siya makasuway og assault.

Dugang niya nga makasagmuyo lang kay ang ubang tao mamakak para lang makakuha og financial reward.

Si McCarty nasulod sa NBA niadtong 1996 isip 19th overall pick. Ang draft class mao ang usa sa pinakagahi sa NBA history kay nalakip man niini ang mga bitoon sa basketball sama nila Kobe Bryant, Allen Iverson, Steve

Nash, Peja Stojakovic, Rey Allen Stephon Marbury ug Jermaine O’Neal. (RSC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph