76ers no. 1 na sa East

NAILOG sa hosts Philadelphia 76ers ang No. 1 nga luna sa Eastern Conference human nila gipanglupig ang kanhi lider Brooklyn Nets, 123-117, kagahapon sa National Basketball Association (NBA).

Ang 76ers ningsaka sa 38-17 nga rekord samtang ang Nets ningdakin-as sa ikaduhang luna sa East dala ang 37-18 nga baraha.

Ang Nets ningkombati nga wala sila si James Harden, Kevin Durant, Blake Griffin ug LaMarcus Aldridge ug gipahimuslan kini sa 76ers aron

kontrolahon ang nag-unang tulo ka quarters.

Gipapahuway na sa 76ers ang ilang starters sa 4th quarter apan dihang ning-aksyon paggukod ang Nets, hayan naahat sila sa pagpasulod og balik

nila ni Ben Simmons ug Joel Embiid sa tinguhang makalingkawas sa hulga sa Nets nga mao gyud ang nahitabo.

Gipangulohan ni Embiid ang kadaugan pinaagi sa iyang 39 puntos ug 13 rebounds, niamot og 16 puntos si Tobias Harris samtang nidugang og 17 puntos si Simons.

Giangkon ni 76ers coach Doc Rivers nga mingdaog sila batok sa haw-ang og puwersa nga kontra apan gitataw niya nga andam silang mosagubang sa

Nets sa higayon nga ikasangka kini nila’g balik nga aduna nay kompletong puwersa.

“When the playo s start, it’s a whole new beast. And we’ll be ready for them,” matod ni Rivers. “And I’m sure they’ll be ready for us.”

Karon nga nagkaduol na ang playoffs, gipasabot ni Rivers nga mahinungdanon nga makahakot sila og dugang ka daugan aron maprotektahan ang ilang posisyon sa kasamtangan.

“I think they’re comfortable at home,” dugang ni Rivers, kansang 76ers adunay 21-5 nga rekord sa ilang tugkaran.

“Young teams typically are comfortable at home. I guess the surprise this year is (the record) without the fans. I certainly can understand with the fans.”

Ang Nets gipangulohan ni Kyrie Irving pinaagi sa iyang 37 puntos, nidugang og 17 puntos si Landry Shamet samtang nitunol og 12 puntos ug 14 rebounds si DeAndre Jordan.

“I didn’t want to take the group out that was doing so well,” asoy

ni Nets coach Steve Nash. “I wanted to reward those guys for playing as well as they did.”

Matod ni Nash nga kinahanglang mabawi nila ang No.1 nga luna sa East inig human sa regular season.

“It’d be great to have the No. 1 seed. I think it means a lot, it’s valuable,” pasabot ni Nash. (AP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph