NAKATAYMING ko sa bang ga sa awit sa progra mang Centerstage sa GMA7 diin ang nikanta usa ka batan-on nga ginganlag si Oxy (wa nako makuha ang iyang apelyido).
Nalingaw ko sa iyang performance ug nakaingon ko nga may kaugmaon ang maong batan-on.
***
Nisulti si Cristy Fermin sa iyang programang Cristy ferMinute sa Channel OnePH nga hatagan na kuno ni Kris Aquino ang iyang mga anak nga si
Josh ug Bimby og privacy nga nakita niyang gikinahanglan kaayo sa duha.
Isip kaila ni Kris, nakapangutana si Cristy kon madayon man ugaling kini, hangtud kanus-a?
Iya pang gihagit si Kris nga barugan niini ang iyang gisulti.
***
Nalingaw ko sa akong mga uwahing posts sa Facebook kay ang mga friends wa lang mo-react, ni-comment pa gyud.
Di baya ni pirme kay kadaghanan, mo-react (like, heart, care, laugh, wow, sad, angry) ra gyud.
Una nakong na-post mao ang pagka-ikag nako nga mosuway sa politika. Makapalapad sab sa atay ang mga komentaryo.
Sige lang, basin diay dunay mokarga nato nga grupo.
Basin lang, Kon tinguha lang sa pagserbisyo, daghan ta ana.
***
Laing post nako nga nakagitik sab sa mga Facebook friends mao ang sinugdanan sa akong pagsuway sa pagkamagsusulat.
Ang arbor tree o fire tree ang hinungdan kay gidasig ko sa akong English teacher sa college nga mosulod sa student publication sa SWU nga The Quill human niya mabasa ang akong sinuwat bahin sa maong kahoy nga karong mga adlawa ang tingpamulak.
***
Kadaghan gyud unta sa mga kalihukan kalabot sa pagsaulog sa ika-500 nga tuig sa Kristiyanismo dinhi sa Cebu nga pwedeng tambongan ug mahisgutan.
Ang naka-apan kay tungod sa presensya ni Tita Covid, daghan ang gusto unta mosaksi pero di makahimo tungod sa kahadlok nga matakdan sa gikahadlokang kaaway nga di makita.
Pahawa na intawon, Tita Covid. Layat na ngadto sa planetang Mars uy!
***
Naunsa na gud intawon ning mga online stores karong mga adlawa nga pulos na man lang kabahin sa sex ug kinatawo sa babaye ug lalaki ang mga baligya?
Nagsugod kini sa mga brief ug panty nga sihag ug kunohay bugnaw ug hayahay sa pamati sa nagsul-ob.
Karong bag-o kay hasta ang pampadako ug pagpabaskog ni junior apil na man.
Hasta ang pilok sa kanding o goat’s eyelashes gibaligya na pod online. Naunsa na man intawon ning kalibutan uy?